जळगाव मिरर | १३ फेब्रुवारी २०२४
जळगाव – धुळे महामार्गावर असलेल्या गुजरात पेट्रोल पंप चौकात रस्ता ओलांडत असतांना भरधाव डंपरने धडक देताच ७५ वर्षीय वृद्ध जागीच ठार झाल्याची दुर्देवी घटना मंगळवार दि. १३ फेब्रुवारी रोजी सकाळी साडेसात वाजेच्या सुमारास घडले आहे. याप्रकरणी रामानंदनगर पोलीस स्टेशनला गुन्हा दाखल करण्याचे काम सुरू होते.
मिळालेल्या माहितीनुसार, जळगाव शहरातील पिंप्राळा परिसरातील शिवराणा नगरातील रहिवासी व सेवानिवृत्त शिक्षक पुंडलिक भिका पाटील (वय ७५) असे मयत वृद्ध इसमाचे नाव असून ते शिवराणा नगरात पत्नी, मुलगा, सून, नातवंडे यांच्यासह राहत होते. मंगळवारी सकाळी साडेसात वाजेच्या सुमारास ते ओवरब्रिज जवळ रस्ता ओलांडत असताना त्यांना भरधाव डंपरने धडक दिली. या धडकेमध्ये ते गंभीर जखमी झाले. त्यांना शासकीय वैद्यकीय महाविद्यालय व रुग्णालय, जळगाव येथे नागरिकांनी दाखल केले असता त्यांना वैद्यकीय अधिकारी डॉ. विश्वनाथ उटगे यांनी तपासून मयत घोषित केले. यावेळी कुटुंबीयांनी एकच आक्रोश केला. दरम्यान रामानंदनगर पोलीस स्टेशनला घटनेची माहिती मिळताच त्यांनी घटनास्थळी धावं घेतली. रामानंदनगर पोलीस स्टेशनला गुन्हा दाखल करण्याचे काम सुरू होते.
