जळगाव मिरर | १० मार्च २०२४
शहरातून शिरसोलीकडे जात असलेल्या दुचाकीस्वाराला समोरुन भरधाव वेगाने येणाऱ्या दुचाकीस्वाराने धडक दिली. ही घटना दि. ६ रोजी रात्री बारा वाजेच्या सुमारास रायसोनी महाविद्यालयासमोर घडली. यामध्ये चंद्रकांत शंकर बोरनारे (वय ४९, रा. रामेश्वर कॉलनी) हे गंभीर जखमी झाले आहे. त्यांनी दिलेल्या तक्रारीवरुन दुचाकीस्वाराविरुद्ध गुन्हा दाखल करण्यात आला आहे.
मिळालेल्या माहितीनुसार, शहरातील रामेश्वर कॉलनीतील साईप्रसाद कॉलनीत चंद्रकांत शंकर बोरनारे हे वास्तव्यास आहे. दि. ६ रोजी रात्री बारा वाजेच्या सुमारास ते (एमएच १९, डीपी ५४२९) क्रमांकाच्या वाहनाने जळगावकडून शिरसोलीकडे जात होते. रायसोनी महाविद्यालयासमोर (एमएच १९ बीवाय २७२०) क्रमांकाची दुचाकी भरधाव वेगाने जात असतांना, त्या दुचाकीस्वाराने बोरनारे यांच्या दुचाकीला जोरदार धडक दिली. या अपघातात दुचाकीस्वार बोरनारे हे गंभीर जखमी झाले आहे.
