जळगाव मिरर | ६ एप्रिल २०२४
मुक्ताईनगर तालुक्यातील महालखेडा शिवारात ३५ वर्षीय महिलेचा खून करण्यात आला. महिलेच्या डोक्यात दगड टाकून, शरिरावर गळ्यावर धारदार हत्याराने वार करीत तिची हत्या करण्यात आल्याची खळबळजनक घटना शुक्रवारी उघडकीस आली.
मिळालेल्या माहितीनुसार, महालखेडा शिवारातील डाबर नाल्याजवळ शुक्रवार, 5 एप्रिल रोजी संध्याकाळी 6.15 वाजेच्या पुर्वी महिलेचा मृतदेह आढळून आला होता. पोलीस तपासात महिलेची ओळख पटली. महालखेडा येथील रहिवासी मालताबाई मनोज खाडे ( वय अंदाजे ३७ ) या आपल्या शेतात काम करण्यासाठी सकाळी गेल्या होत्या. मयत महिलेसोबत याच मुद्यावरून तो वाद सुध्दा करत असायचा. याच वादातून शुक्रवारी त्याने डोक्यात दगड टाकुन, शरिरावर गळ्यावर धारदार हत्याराने वार करुन संबंधित महिलेचा खून केला. याप्रकरणी मुक्ताईनगर पोलिसात गुन्हा दाखल करण्यात आला. तपास पोलीस निरीक्षक नागेश मोहिते यांच्या मार्गदर्शनाखाली सुरू आहे.
