जळगाव मिरर | ६ सप्टेबर २०२४
शहरातील मानराज पार्कजवळील रिक्षा स्टॉपजवळून पायी जात असलेल्या फळविक्रेत्या महिलेल्या गळ्यातील ३० हजार रूपये किंमतीची सोन्याची पोत दुचाकीवर आलेल्या दोन जणांनी जबरी चोरून नेली. ही घटना बुधवार दि. ४ सप्टेंबर रोजी दुपारच्या सुमारास घडली. याप्रकरणी रात्री जिल्हापेठ पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील खंडेराव नगरात राहणाऱ्या लिलाबाई रघुनाथ गोपाळ (वय ४७) या महिला आपल्या परिवारासह वास्तव्याला आहेत. फळविक्री करून त्या आपला उदरनिर्वाह करतात. बुधवार दि. ४ सप्टेंबर रोजी दुपारी ४ वाजेच्या सुमारास त्या कामाच्या निमित्ताने शहरातील मानराज पार्क येथील रिक्षा स्टॉपजवळ आलेल्या होत्या. तेथून पायी जात असतांना अनोळखी दोन जण दुचाकीवर आले. त्यांनी महिलेच्या गळ्यातील ३० हजार रूपये किंमतीची सोन्याची पोती जबरी हिसकावून चोरून नेल्याची घटना घडली आहे.
