जळगाव मिरर | ६ डिसेंबर २०२४
शहरातील गुरुकुल शाळेजवळ एका दुचाकीला भरधाव ट्रकने दिलेल्या धडकेत दुचाकीस्वार जखमी झाला. ही घटना सोमवारी दि. २ डिसेंबर रोजी सायंकाळच्या सुमारास घडली. याप्रकरणी बुधवारी एमआयडीसी पोलीस ठाण्यात ट्रकवरील चालकावर गुन्हा दाखल करण्यात आला आहे.
मिळालेल्या माहितीनुसार, शहरातील जगवानी नगरात रामकिशन मांगीलाल प्रजापत (वय ४२) हे आपल्या परिवारासह वास्तव्याला आहे. दरम्यान रामकिशन प्रजापत हे सोमवारी दि. २ डिसेंबर रोजी सायंकाळच्या सुमारास त्यांची दुचाकी क्रमांक (एमएच १९ एके ९५५५) दुचाकीने घरी जात असताना समोरून येणारे ट्रक क्रमांक (एमएच ०४ डिके ७५८६) ने जोरदार धडक दिली या धडकेत रामकिशन प्रजापत हे गंभीर जखमी झाले. त्यांना तातडीने जळगाव शहरातील शासकीय वैद्यकीय महाविद्यालयात उपचारासाठी दाखल करण्यात आले. याप्रकरणी बुधवारी ४ डिसेंबर रोजी सायंकाळच्या सुमारास रामकिशन प्रजापत यांनी दिलेले फिर्यादीवरून ट्रकवरील चालकावर गुन्हा दाखल करण्यात आला आहे. पुढील तपास सहाय्यक फौजदार विजय पाटील हे करीत आहे.
