जळगाव मिरर | ४ जानेवारी २०२५
रस्त्याच्या परिस्थितीकडे दुर्लक्ष करीत जाणाऱ्या भरधाव कारने दुचाकीस्वाराला जोरदार धडक दिली. या अपघातात मौसिन सलिम पिंजारी (वय २३, रा. हरिविठ्ठल नगर) हा तरुण गंभीर जखमी झाला. ही घटना दि. १ जानेवारी रोजी चित्रा चौकात घडली. याप्रकरणी कार चालकाविरुद्ध शहर पोलिसात गुन्हा दाखल करण्यात आला आहे.
सविस्तर वृत्त असे कि, शहरातील हरिविठ्ठल नगरात मौसिन सलिम पिंजारी हा तरुण वास्तव्यास आहे. दि. १ जानेवारी रोजी रात्री साडेअकरा वाजेच्या सुमारास त्याच्याजवळील (एमएच १९डीआर ७७१६) क्रमांकाच्या दुचाकीने चित्रा चौकातून घरी जात होता. दरम्यान, नेरी नाक्याकडून टॉवरकडे रस्त्याच्या परिस्थितीकडे दुर्लक्ष करीत भरधाव वेगाने जाणाऱ्या अनोळखी कारने तरुणाच्या दुचाकीला जोरदार धडक दिली. या अपघातात दुचाकीस्वार मौसिन पिंजारी हा तरुण गंभीर जखमी झाला. याप्रकरणी तरुणाने दिलेल्या तक्रारीवरुन शहर पोलिसात गुन्हा दाखल करण्यात आला आहे. पुढील तपास पोहेकॉ बालाजी बारी हे करीत आहे.
