जळगाव मिरर | २ एप्रिल २०२५
बोदवड येथून जळगावकडे येणाऱ्या आणि जळगावकडून भुसावळकडे विरुद्ध बाजूने भरधाव वेगाने दुचाकीने जोरदार धडक दिली. या अपघातात बोदवड न्यायालयात वरिष्ठ लिपीक म्हणून नियुक्तीस असलेल्य योगेश बळीराम पाटील (वय ५१, रा. चैतन्य नगर) यांचा दुर्देवी मृत्यू झाला. ही घटना मंगळवार दि. १ रोजी रात्री साडेआठ वाजेच्या सुमारास नशिराबादजवळील हॉटेल सावनजवळील सर्विस रोडवर घडली.
मिळालेल्या माहितीनुसार, शहरातील चैतन्य नगरात योगेश पाटील हे बोदवड न्यायालयात वरिष्ठ लिपीक म्हणून नोकरीस होते. तर त्यांची पत्नी या लघुपाटबंधारे येथे नोकरीस आहेत. ड्युटी आटोपल्यानंतर योगेश पाटील हे दुचाकीने जळगावकडे येण्यास निघाले. महामार्गावरील सर्विस रोडवरुन येत असतांना जळगावकडून भुसावळकडे सर्विस रोडवर विरुद्ध दिशेने भरधाव वेगाने जाणाऱ्या दुचाकीस्वारांनी त्यांना जोरदार धडक दिली. या अपघातात योगेश पाटील यांच्या डोक्याला गंभीर दुखापत झाले होते. तर धडक देणाऱ्या दुचाकीवरील मुस्तफा लतिफ खान (वय ६५, रा. भुसावळ) व बी. ओ. फर्नांडीस (वय ६१, रा. भुसावळ) हे दोघ गंभीर जखमी झाले. महामार्गावर अपघात झाल्याची माहिती मिळताच परिसरातील नागरिकांनी तात्काळ रुग्णवाहिकेला फोन केला. रुग्णवाहिका आल्यानंतर तिघ जखमींना तात्काळ उपचारासाठी जिल्हा शासकीय वैद्यकीय महाविद्यालय व रुग्णालयात दाखल केले. याठिकाणी योगेश पाटील यांच्यावर उपचार सुरु असतांना त्यांची प्राणज्योत मालवली. तर दोघ जखमींवर उपचार सुरु आहे.
अपघाताची माहिती मिळताच योगेश पाटील यांच्या कुटुंबियांसह नातेवाईकांनी तात्काळ जिल्हा रुग्णालयात धाव घेतली. यावेळी त्यांचा मृतदेह बघताच योगेश पाटील यांच्या आईवडीलांसह पत्नी व मुलांनी हंबरडा फोडीत आक्रोश केला. त्यांच्या पश्चात वृद्ध आई वडीलांसह पत्नी, मुलगा, मुलगी, भाऊ असा परिवार आहे.
