जळगाव मिरर | ३१ मे २०२५
खान्देशातील धुळे शहरातील देवपूर वलवाडी शिवारात असलेल्या वक्रतुंड विहार मधील साईशिल्प येथे राहणाऱ्या सैन्य दलातील लिपिकाने दुसऱ्या महिलेशी असलेल्या प्रेमसंबधातून स्वतःच्या पत्नीला पेस्टिसाईडचे इंजेक्शन देऊन ठार मारल्याची घटना उघडकीस आली आहे. इंजेक्शन दिल्यानंतर तब्बल दीड तास तो पत्नी मरण्याची वाट बघत बसला होता. या घटनेमुळे समाज मन सुन्न झाले असून सर्वत्र संताप व्यक्त होत आहे. शहरात एकच खळबळ उडाली असून दोषींना कठोर शासन करण्याची मागणी होत आहे. याप्रकरणी पती त्याची प्रेमिका व सासरकडील मंडळी अशा ५ जणांविरुध्द पश्चिम देवपूर पोलीस ठाण्यात खूनाचा गुन्हा दाखल करण्यात आला असून सर्व संशयितांना पोलिसांनी अटक केली आहे.
सविस्तर वृत्त असे की, मृत विवाहीतेचा भाऊ भूषण शिवाजी महाजन (३५) रा. भोसले पार्क, कोठली रोड, भडगाव जि. जळगाव यांनी पश्चिम देवपूर पोलिसात दिलेल्या फिर्यादीत म्हटले आहे की, दि.८ जून २०१० रोजी त्यांची बहीण शारदा उर्फ पुजा कपिल बागुल (वय ३८) हीचा विवाह कपिल बाळू बागुल (वय४३) रा. प्लॉट नंबर १५ (ब), साईशिल्प, वक्रतुंड विहार वलवाडी, देवपूर धुळे याच्याशी झाला होता. सुरवाती पासूनच पुजाचा पती कपिल बाळू बागुल, सासरे बाळु बुधा बागुल, सासू विजया बाळु बागुल, नणंद रंजना धनेश माळी हे सासरकडील मंडळी तिला प्लॉट घेण्यासाठी माहेरुन २ लाख रुपये आणावेत म्हणून तिच्याकडे तगादा लाऊन तिचा शारी-ि रक व मानसिक छळ करून तीला क्रूर वागणूक देत होते. तसेच
पती कपिल याचे प्रज्ञा महेश कडीले रा. शनीमंदीराजवळ, वाडीभोकर रोड, देवपूर धुळे या महिलेशी अनैतिक संबंध असल्याची माहिती शारदा उर्फ पुजा हीरा समजल्यानंतर ती या अनैतिक संबंधास विरोध करीत होती. म्हणून तीचे सासरे बाळु बागुल, नणंद रंजना माळी व प्रज्ञा कडीले गांनी शारचा उर्फ पुजाचा पती कपिल बागुल व सासू विजया बागुल यांना चिथावणी दिल्यामुळे पती कपिल बागुल व त्यांची आई विजया बागुल या दोघांनी शारदा उर्फ पुजा हीचेवर विष प्रयोग करुन व डोक्यावर मारुन तिचा खून केला. यावरुन ५ जणांविरुध्द भारतीय न्याय संहिता कायदा कलमान्वये खुनाचा गुन्हा दाखल करण्यात आला आहे. या गुन्हयाची नोंद होणेपुर्वी घटनेची माहिती मिळाल्याने ५ संशयीत्त आरोपींना पश्चिम देवपूर पोलिसांनी अटक केली आहे. तपास पोलीस उपनिरीक्षक साईनाथ तळेकर करीत आहेत.
प्रेमसंबधात अडचण ठरत असलेली पत्नी शारदा उर्फ पुजा हिला दि.२९ मे रोजी कपिलने पकडून चक्क पेस्टिसाईडचे इंजेक्शन दिले. तिचा तोंडातून फेस यायला लागला. या नंतर त्याने पूजा मरण्याची तब्बल दीड तास वाट बघितली. तो तिच्याकडे केवळ पहात बसला होता. ती मेल्याची खात्री झाल्यानंतर त्याने पुजाला श्री गणेशा हॉस्पिटलमध्ये दाखल केले. तेथील डॉक्टरांनी तिला मृत घोषीत केले व तीला जिल्हा रुग्णालयात नेण्याचे सांगितले. मात्र कपिलने तिला जिल्हा रुग्णालयात न नेता घरी घेवून जावून तिच्या अंतविधीची तयारी सुरू केली. ही माहिती पुजाचा भाऊ भूषण महाजन यास समजल्यानंतर महाजन कुटुंबिय तातडीने धुळ्यात दाखल झाले, त्यांनी घटनेची माहिती पश्चिम देवपूर पोलिसांना कळवल्यानंतर पश्चिम देवपूर पोलीस ठाण्याचे सहायक पोलीस निरीक्षक तुषार देवरे हे घरी आले. त्यांनी मृत पुजाचा मृतदेह ताब्यात घेवून उत्तरीय तपासणीसाठी जिल्हा रुग्णालयात रवाना केला. रुगग्णालयात शवविच्छेदन झाल्यावर प्राथमिक अहवालातच तिचा मृत्यू पेरटीसाईड इंजेक्शनमुळे झाल्याचे निष्पन्न झाले आहे. पोलिसांनी तातडीने पाचही संशयित आरोपींना ताब्यात घेवून कपिलची कसूनची चौकशी केली असता त्याने गुन्हयाची कबुली देवून आई विजया बागुल हिच्यासह इत्तर संशयितांनी पुजाला पकडून ठेवले. त्यानंतर आपण तिला पेस्टिसाईडचे इंजेक्शन देवून तार मारल्याचे सांगितले आहे.
या घटनेमुळे समाजमन सुत्र झाले असून जिल्हा पोलीस अधीक्षक श्रीकांत धिवरे यांनी जनतेला त्यातल्या त्यात महिला वर्गाला व नागरिकांना जाहीर आवाहन केले आहे की, महिला अत्याचार संबंधातील माहिती तात्काळ पोलीस ठाण्यात देण्यात यावी. जेणेकरुन महिला अत्याचारांचे गुन्हवास योग्य तो प्रतिबंध होण्यास मदत होईल, असे कळविले आहे.
