आगामी काळात गोरगरिबांसाठी प्रबोधनात्मक उपक्रम राबविण्याचा संस्थापक अध्यक्ष विशाल देशमुख यांचा मानस
जळगाव मिरर | २२ डिसेंबर २०२५
येथील मेहरूण परिसरातील रामेश्वर कॉलनी परिसरात सामाजिक क्षेत्रातील विचार वारसा फाउंडेशनतर्फे वार्षिक दिनदर्शिकेचे मान्यवरांच्या हस्ते प्रकाशन करण्यात आले. यावेळी गोरगरीब, दुर्बल घटकांसाठी नवीन वर्षात प्रबोधनात्मक उपक्रम घेण्यात येतील अशी माहिती संस्थापक अध्यक्ष विशाल देशमुख यांनी दिली.
विचार वारसा फाउंडेशनने मेहरूण परिसरातील अनेक भागांमध्ये सामाजिक कार्य करून सामाजिक बांधिलकी जोपासण्याचे काम केले आहे. दरवर्षीप्रमाणे यंदाही वार्षिक दिनदर्शिका प्रकाशित करण्यात आली असून त्याचे प्रकाशन मान्यवरांनी केले. या प्रसंगी मा.गुलाबरावजी देवकर, मा.अनिल पाटील,मनीष जैन,प्रतिभा शिंदे,संजय पवार, आभिषेक पाटील,अशोक पाटील,आदी मान्यवर उपस्थित होते.
मेहरूण परिसरात अनेक गोरगरीब कुटुंबीय राहतात. पुढील वर्षी २०२६ साली त्यांच्यासाठी विविध प्रबोधनात्मक उपक्रम घेण्याचा मानस यावेळी संस्थापक अध्यक्ष विशाल देशमुख यांनी बोलून दाखविला.
