हवेत रंगांची उधळण करणारे 30 सिलिंडरचे आकर्षण
जळगाव मिरर | २५ फेब्रुवारी २०२६
सण रंगांचा असलेल्या धूलिवंदनाचा उत्साह यंदा जळगाव शहरात शिगेला पोहोचणार आहे. यंदाच्या धूलिवंदनाचे मुख्य आकर्षण म्हणजे उत्तर प्रदेशच्या कानपूरहून मागवण्यात आलेले १४ प्रकारातील ७०० किलो नैसर्गिक रंग आणि हवेत रंगांची उधळण करणारे ३० विशेष सिलिंडर्स असणार आहेत. पारंपरिक वाद्यांच्या जोडीला पंजाबी ढोल आणि डीजेच्या तालावर जळगावकर बुरा न मानो होली हैच्या गजरात थिरकताना दिसतील.
युवाशक्ती फाऊंडेशनतर्फे धुळवडीसाठी व्यवस्था-
पारंपरिक ढोल-ताशांच्या गजरात तरुणाई येथे थिरकणार असून, या ठिकाणीही महिला व पुरुषांसाठी स्वतंत्र कक्ष उभारले जाणार आहेत. शहराच्या मध्यवर्ती भागात होणारा हा उत्सव जळगावकरांसाठी नेहमीच आकर्षणाचे केंद्र राहिला आहे.
युवाशक्ती फाउंडेशनतर्फे खान्देश सेंट्रल मॉल येथे मोफत धूलिवंदन सोहळ्याचे आयोजन मंगळवार दिनांक ३ मार्च २०२६ रोजी केले आहे. सकाळी ९.३० ते दुपारी २ या वेळेत होणाऱ्या या कार्यक्रमात कानपूरहून मागवलेले ७०० किलो नैसर्गिक रंग वापरले जाणार आहेत. यात १४ वेगवेगळ्या शेड्सचे रंग व ३० रंगांचे विशेष सिलिंडर्स असतील, ज्याद्वारे हवेत रंगांचा फायर शो केला जाईल. सदर कार्यक्रम सर्वांसाठी खुला राहणार असून विनामूल्य आहे, तरी जास्तीत जास्त जळगावकर नागरिकांनी या आयोजनात सहभागी होऊन आनंद द्विगुणित करावा असे आवाहन युवाशक्ती फाऊंडेशनचे संस्थापक अध्यक्ष विराज कावडीया यांनी केले आहे.
