जळगाव मिरर | १ मार्च २०२६
चोपडा तालुक्यातील अकुलखेडा येथे विवाहीत असलेल्या प्रेमीकेच्या घरी जावून तिच्यावर गोळी झाडत तिची हत्या करत स्वतःवर गोळी झाडून आत्महत्या केल्याची घटना आज दि. २८ रोजी घडली. काहि वर्षांपासून इन्स्टाग्रामवर देवानंद धनगर व अनिता पाटील यांच्यात प्रेम संबंध जुळले होते. परंतु, काही दिवसांपासून अनिता ही दुर्लक्ष करत असल्याचा राग आल्याने देवानंदने तालुक्यातील अकुलखेडा गावातील प्लॉट भागात राहणाऱ्या अनिता पाटीलच्या घरी जाऊन तिच्या डोक्यात बंदुकीची गोळी घालून त्यांची हत्या केली. तर तेथेच देवानंदने स्वतःच्या डोक्यात गोळी घालून आत्महत्या केल्याची घटना २८ रोजी सकाळी ११ वाजेच्या सुमारास घडली. या घटनेमुळे परिसरात खळबळ उडाली आहे.
विस्तृत वृत्त असे की, मयत अनिता जगदीश पाटील (वय ३०) व त्यांचे पती जगदीश काशिनाथ पाटील (वय ३६, रा. निमगव्हाण, ता. चोपडा), मुलगा हर्षल व मुलगी तनुजा है चोपडा तालुक्यातील अकुलखेडा येथील हॉटेल संकेतच्या मागील हिंडसले इंग्लिश मीडियमसमोर राहत होते. दरम्यान, अनिता व शिरपूर तालुक्यातील भामपूर येथील देवानंद सुभाष धनगर (वय २६) यांच्यात कांहि वर्षांपूर्वी इन्स्टाग्रामवर ओळखीनंतर प्रेमसंबंध जुळले होते. परंतु, काही दिवसांपासून अनिता ही देवानंद याच्याकडे दुर्लक्ष करत होती. याचा राग देवानंदच्या मनात होता. यातच २८ रोजी सकाळी ११ वाजेच्या सुमारास देवानंद हा रागाच्या भरात अकुलखेडा येथील अनिताच्या घरी आला. त्यावेळी त्यांची योन्ही मुले व पती घरी नव्हते, याचाच फायदा घेत देवानंद याने गावठी कट्टधामधील एक राउंड अनिताच्या डोक्यात फायर करुन त्यांचा खून केला तर त्याच ठिकाणी एक राउंड स्वतःच्या डोक्यात फावर करत देवानंदने आत्महत्या केल्याची घटना घडली. दरम्यान, या घटनेची माहिती मिळताच चाळीसगावच्या अप्पर पोलीस अधीक्षक कविता नेरकर, डीवायएसपी आण्णासाहेब घोलप, पोलीस निरीक्षक मधुकर साळवे, स्थानिक गुन्हे शाखेचे विलेश सोनवणे, रावसाहेब पाटील यांनी घटनास्थळी भेट पाहणी केली. दरम्यान, घटनास्थळवरून अनिता च देवानंद यांचा मोबाईल व गावठी कट्टा पोलिसांनी हस्तगत केला आहे. दरम्यान, या प्रकरणी जगदीश पाटील यांच्या फिर्यादीवरून मयत देवानंद धनगर याच्च्यावर कलम ३०२ अंतर्गत गुन्हा दाखल करण्यात आला आहे. तपास पो.नि. मधुकर साळवे करत आहेत, तर, सायंकाळी ७ वाजेपर्यंत दोन्ही मयतांचे शवविच्छेदन झालेले नव्हते.
अनिता यांची चौथीत शिकणारी तनुजा ही ट्युशनवरून घरी आली. त्या वेळी घराचा दरवाजा उघडत नसल्याने तिने खिडकीतून हात घालून दरवाजा उघडला. त्याठिकाणी तिला आईचा मृतदेह पडलेला दिसला. लागलीच तिने आईच्या मोबाईलवरून ही माहिती तिच्या वडिलांना सांगितली. तर, बडील जगदीश पाटील घरी आल्यावर त्यांनी अनिता व देवानंद यांना रक्ताच्या थारोळ्यात पडल्याचे पाहिल्यानंतर तत्काळ ही घटना पोलिसांना सांगितली.
