जळगाव मिरर | १४ मार्च २०२६
शहरातील गाडगेबाबा चौकातील रामलक्ष्मण नगर येथे पिंपळेश्वर महादेव मंदिराच्या वर्धापन दिनाचे औचित्य साधून यंदा “संगितय श्रीमद देवी भागवत” कथेचे आयोजन करण्यात आले आहे.
देवी भागवत कथा प्रारंभ – दिनांक : १० मार्च ते १६ मार्च दरम्यान पहाटे काकड आरतीसह संध्याकाळी ७ ते १० श्रीमद देवी भागवत कथा ह.भ.प.राष्ट्रीय युवा किर्तनकार गजानन महाराज धानोरेकर यांच्या श्रीमुखातुन भक्तांना ऐकण्यास मिळत आहे. पिंपळेश्वर महादेव मंदिराच्या भव्य प्रागंणात पवित्र देवी भागवत कथेचा शुभारंभ भक्तिमय वातावरणात करण्यात आला आहे. श्रीमद देवी भागवत कथेच्या सप्ताहाची सुरुवात देवीची पूजा-अर्चना व मंत्रोच्चाराने करण्यात आली. परिसरातील अनेक भाविकांनी मोठ्या उत्साहाने उपस्थित राहून कथेचा लाभ घेत आहे.
या प्रसंगी ह.भ.प.युवाराष्ट्रीय किर्तनकार गजानन महाराज धानोरेकर यांनी देवीच्या महात्म्यांचे ओघवत्या व प्रभावी शब्दांत सादरीकरण करीत आहे. भक्तगण श्रद्धेने कथा ऐकत देवीच्या चरणी प्रार्थना करत आहे. कथेच्या ठिकाणी दररोज देवीच्या रुपाचे सादरीकरण परिसरातील महिला वर्गांच्या वतीने केले जात असून देवी भागवत कथेचे आयोजन समस्त रामलक्ष्मण नगर परिसरातील नागरिकांच्या वतीने करण्यात आले आहे.
पिंपळेश्वर महादेव मंदिर वर्धापन सोहळ्याच्या निमित्ताने १७ मार्च रोजी ११ ते ३ यावेळेत महाप्रसादाचे आयोजन करण्यात आले आहे. देवीच्या नामस्मरणाने संपूर्ण रामलक्ष्मण नगर परिसर भक्तिमय वातावरणाने भारावून गेला. भाविकांनी मोठ्या संख्येने उपस्थित राहून या पवित्र सोहळ्याचा लाभ घ्यावा, असे आवाहन आयोजकांनी केले आहे.
