जळगाव मिरर | २३ मार्च २०२६
यावल शहरातून मार्गस्थ होणाऱ्या अंकलेश्वर बऱ्हाणपूर राज्य मार्गावर चोपडा नाक्याजवळ एक ३२ वर्षीय तरुण हा दुचाकी द्वारे शहरात येत होता. दरम्यान धावत्या दुचाकीवरच त्याला हृदयविकाराचा झटका आला. आणि तो दुचाकी सह रस्त्यावर कोसळला. या भागातील मुस्लिम तरुणांनी तातडीने या तरुणाला तिथून उचलून यावल ग्रामीण दाखल केले. ग्रामीण रूग्णलयात डॉक्टरांनी तपासणी करून त्याला मयत घोषित केले. ही घटना रविवारी दुपारी घडली. तेव्हा याप्रकरणी यावल पोलीस ठाण्यात अकस्मात मृत्यूची नोंद करण्याचे काम उशिरापर्यंत सुरू होते. मयत तरुण हा शहरातील शिवाजीनगर भागातील रहिवाशी आहे.
शहरातून मार्गस्थ होणाऱ्या अंकलेश्वर – बऱ्हाणपूर राज्य मार्गावर चोपडा नाक्याजवळ कोरपावली शेत शिवारातून शेतातून काम करून महेश संतोष येवले (वय ३२ रा. शिवाजीनगर, यावल हा त्याच्या दुचाकीद्वारे शहरात येत होता. दरम्यान चोपडा नाक्याचा जवळ अचानक धावत्या दुचाकी वर त्याला हृदयविकाराचा तीव्र झटका आला. आणि या तीव्र झटक्यात तो दुचाकीवरून रस्त्यावर कोसळला. हा प्रकार बाबा नगर परिसरातील रहिवाशी मुस्लिम तरुणांच्या निदर्शनास आला. त्यांनी तेथे धाव घेतली आणि रस्त्यावर कोसळलेल्या या तरुणाला तेथून तातडीने उपचाराकरिता यावल ग्रामीण रुग्णालयामध्ये दाखल केले.
ग्रामीण रुग्णालयामध्ये वैद्यकीय अधिकारी डॉ. तुषार सोनवणे यांनी तरूणास तपासणी करून त्याला मयत घोषित केले. घटनेची माहिती मिळताच यावलच्या नगराध्यक्ष छायाताई पाटील, नगरसेवक अतुल पाटील, माजी उपनगराध्यक्ष प्रा. मुकेश येवले, रोशन येवले, बापू जासूद सह आदींनी रुग्णालयात धाव घेतली आणि मयत तरुणांच्या कुटुंबांचे सात्वन केले. दरम्यान या घटनेमुळे शहरातून हळहळ व्यक्त केली जात आहे. मयत या तरुणावर सोमवारी सकाळी आठ वाजता अंत्यविधी केले जाणार आहे. त्याच्या पश्चात आई, भाऊ, आजी असा परिवार आहे. तर या मृत्यूप्रकरणी यावल पोलीस ठाण्यात उशिरापर्यंत अकस्मात मृत्यूची नोंद घेण्याची कार्यवाही सुरू होती
