जळगाव मिरर | १५ मे २०२६
डीडबल्यूजे असो. प्रा. लि. कंपनीत गुंतवणुक केल्यास जास्तीत जास्त दरमहा परतावा देण्याचे अमिष दाखवित. तसेच नियमबाह्य स्कीम राबवून आणि सेबीच्या नियमांचे उल्लंघन करीत २७९ गुंतवणूकदारांकडून ११ महिन्यांच्या मुदतीकरीता २३ कोटी ८१ लाख ७२ हजार रुपयांची गुंतवणुक केली. तसेच त्याचा परतावा न देता अपहार केल्याप्रकरणी कंपनीच्या मुख्य संचालकांसह चार जणांविरुद्ध गुन्हा दाखल करण्यात आला आहे. याप्रकरणी कंपनीचे एजंट मिलींद शालीकराव पाटील (वय ४१, रा. शिवकॉलनी) यांना आर्थीक गुन्हे शाखेच्या पथकाने अटक केली.
टीडबल्यूजे असो. प्रा.लि. पुणे या कंपनीच्या एजंटने संचालकांविरुद्ध गुंतवणुकदारांची गुंतवणूक स्विकारुन मुदतीत परतावा दिला नसल्याचा तक्रार अर्ज दिला होता. या अर्जाची पोलीस अधीक्षक श्रीकांत धिवरे गांच्या आदेशानुसार आर्थीक गुन्हे शाखेने सखोल चौकशी केली. या चौकशीत अर्जदार मिलींद पाटील हा कंपनीच्या फर्मची फ्रेंचायसी नात्याने सर्व कामकाज तो पाहत होता, तसेच गुंतवणुकदारांकडून गुंतवणुका स्विकारुन त्यांना करारनामे देखील करून देत होता. त्यापोटी त्याला मोठ्या प्रमाणात कमीशन प्राप्त झाले होते. या संपुर्ण प्रकारावरुन अर्जदार मिलींद पाटील याचा गुन्ह्यात सहभाग असल्याचे निष्पन्न झाले होते. या गुन्ह्याचा तपास आर्थीक गुन्हे शाखेचे प्र. पोलीस उपअधीक्षक पोनि संदीप पाटील यांच्या मार्गदर्शनाखाली सपोनि गणेश फड, पोहेकों रविंद्र परदेशी, पोकों विकास पहुरकर हे करीत आहे.
टीडबल्यूजे असो. प्रा.लि. चे मुख्य संचालक समीर सुभाष नार्वेकर, नेहा समीर नार्वेकर, टीडबल्यूजे इन्फ्रास्ट्रक्जर डेव्हलपमेंट प्रा. लि.चे संचालक संकेश रामकृष्ण घाग व एजेंट मिलींद पाटील यांच्यासह इतर संचालक व एजंट यांनी डिसेंबर २०२० ते सप्टेंबर २०२५ या कालावधीमध्ये संगनमत करुन गुंतवणुकदारांना शेअर मार्केट ट्रेडींगची माहिती देवून त्यांची दिशाभूल करीत सेमीनार घेतले. तसेच गुंतवणुकीवर जास्तीत जास्त परतावा देण्याचे अमिष दाखवून २७९ गुंतवणुकदारांची फसवणुक करीत अपहार केल्याचे निष्पन्न झाले.
गुंतवणुकदार भरत रतीलाल पवार (रा. पाळधी) यांनी दिलेल्या फिर्यादीवरुन जिल्हापेठ पोलीस ठाण्यात गुन्हा दाखल करण्यात आला आहे. हा गुन्हा पोलीस अधीक्षकांच्या आदेशानुसार आर्थीक गुन्हे शाखेकडे वर्ग करण्यात आला आहे. या गुन्ह्याचा तपास करतांना पोलिसांनी संशयित एजेंट मिलींद पाटील याला अटक केली आहे. पुण्यातील टीडबल्यूजे असो. प्रा. लि. या कंपनीच्या संचालकांविरुद्ध यवतमाळ येथील अवधुतवाडी पो. स्टे, रत्नागिरीतील चिपळून पो. स्टे, नवीमुंबईतील खारघर पो. स्टे, पुणे शहर येथील वारजे माळीवाडी पो, स्टे, ठाणे शहरातील श्रीनगर पो. स्टे, नागपुर शहरातील धंतोली पो. स्टे, रायगड येथील माणगांव पो. स्टे, छत्रपती संभाजी नगर एमआयडीसी सिडको पो. स्टे या आठ ठिकाणी त्यांच्याविरुद्ध गुन्हे दाखल आहेत. यातील ठाणे येथील श्रीनगर पोलीस स्टेशनमध्ये दाखल गुन्ह्यात कंपनीचे संचालक संशयित समीर सुभाष नार्वेकर व नेहा समीर नार्वेकर यांना दि. ३० जानेवारी रोजी अटक करण्यात आली होती. ते सद्या धंतोली पो, स्टे. मध्ये दाखल असलेल्या गुन्ह्यात त्यांना अटक करण्यात आली आहे.
