जळगाव मिरर | २२ मे २०२६
शहरातील एका परिसरात दि. १९ मे रोजी रात्री साडेआठ वाजेच्या सुमारास पोलीस भरतीचा सराव करणाऱ्या तरुणीला मी बांधलेल्या ओट्यावर पाय का ठेवला, म्हणत तिच्यासमोर पॅन्ट काढून अश्लिलकृत्य करीत विनयभंग केला. याप्रकरणी संशयित निनाद कोळी याच्याविरुद्ध विनयभंगाचा गुन्हा दाखल करण्यात आला आहे.
मिळालेल्या माहितीनुसार, शहरातील एका भागात २० वर्षीय तरुणी वास्तव्यास असून ती पोलीस भरतीचा सराव करते. दि. १९ मे रोजी रात्रीच्या सुमारास ती तरुणी रस्त्याने पायी जात असतांना संशयित तरुण हा तिच्या पाठीमागून आला आणि त्याने तरुणीला तू माझ्या बांधकाम केलेल्या ओट्यावर पाय का ठेवला असे म्हणाला. त्यावर तरुणीने तुमचा ओटा व्यवस्थीत बघून घ्या, मी पाय ठेवलेला नाही असे तरुणीने त्याला सांगितले. त्याचा राग आल्याने संशयिताने तरुणीला शिवीगाळ केली, यावेळी तरुणीची आई संशयिताला समजविण्यासाठी गेली असता त्यांना देखील संशयिताने शिवीगाळ केली. त्यानंतर तरुणीसमोर संशयिताने स्वतःची पॅन्ट काढून अश्लिल कृत्य केले. दरम्यान, दि. २० मे रोजी तरुणीने एमआयडीसी पोलिसात तक्रार दिली. त्यानुसार संशयित निनाद कोळी याच्याविरुद्ध विनयभंगाचा गुन्हा दाखल करण्यात आला आहे. तपास पंकज पाटील हे करीत आहे
