जळगाव मिरर | २२ मे २०२६
महाराष्ट्र राज्य विद्युत वितरण कंपनी मर्यादित लिमिटेड उपकेंद्र शिवाजीनगर जळगाव या ठिकाणी सकाळी १० .४० वाजेपर्यंत कुठलेही अधिकारी नसल्याने या ठिकाणी येणाऱ्या नागरिकांची मोठी अडचण निर्माण झाली आहे.
मिळालेल्या माहितीनुसार, जळगाव शहरातील छत्रपती शिवाजी महाराज नगर ते दुध फेडरेशन परिसरात असलेले महाराष्ट्र राज्य विद्युत वितरण कंपनीचे कार्यालय नेहमीच वादाच्या सापडत असते आता देखील एकदा येथील कर्मचारी दिवसभर गायब असल्याने या ठिकाणी कुठलेही कर्मचारी उपस्थित नसल्याने अनेक नागरिकांच्या समस्या समोर येत आहे. या या परिसरातील अनेक भागात दिवस व रात्र या दोघी वेळेस लाईट नेहमीच इजा करीत असते याचा जाब संबंधित अधिकारी व कर्मचाऱ्यांना विचारला असता येथील कर्मचारी नागरिकांना अरेरावीची भाषा करतात.
एमएसईबीच्या फोनवर सिक्युरिटी गार्ड नियुक्त ?
छत्रपती शिवाजी महाराज नगर परिसरातील महावितरणच्या कार्यालयात चक्क येथे वाचणारा फोन या कार्यालयातील सुरक्षारक्षक उचलत असून संबंधित नागरिकांना सुरक्षारक्षक चुकीचे उत्तर देत दिशाभूल करीत आहे. तर हे सुरक्षारक्षक दारूच्या नशेत देखील आढळून येत असतात. त्यामुळे परिसरातील नागरिकांचा उद्रेक पाहायला मिळत आहे.
अधिकारी राहतात गैरहजर
या कार्यालयातील वरिष्ठ अधिकारी नेहमीच या ठिकाणी दिसून येत नाही त्यामुळे नागरिकांना अनेक छोट्या-मोठ्या कारणासाठी शहरातील मुख्य कार्यालयात आपल्या समस्यांसाठी घिरट्या माराव्या लागत असल्याने नागरिकांची मोठी निराशा होत आहे.
