जळगाव मिरर | ६ जून २०२६
शहरातील रामेश्वर कॉलनी भागात एका २४ वर्षीय तरुण रिक्षाचालकाने आपल्या राहत्या घरात गळफास घेऊन आत्महत्या केल्याची घटना ३ जून रोजी रात्री उघडकीस आली आहे. विशाल विठ्ठल कोळी (वय. २४) असे या मृत तरुणाचे नाव असून, याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, विशाल कोळी हा रात्री काम संपवून घरी आल्यानंतर त्याने कुटुंबासोबत एकत्र जेवण केले. त्यानंतर विशालची पत्नी, भाऊ आणि वहिनी असे सर्वजण छतावर झोपण्यासाठी गेले. मात्र, विशाल त्यांच्यासोबत न जाता एकटाच खाली घरात थांबला होता. १५ ते २० मिनिटे उलटूनही विशाल छतावर झोपायला न आल्याने त्याच्या पत्नीला शंका आली. ती त्याला पाहण्यासाठी खाली आली असता, घराचा दरवाजा आतून बंद असल्याचे तिला आढळले. घराच्या खिडकीतून आत पाहिले असता, विशालने घरात गळफास घेतलेला दिसले
