जळगाव मिरर | १९ जून २०२६
जामनेर तालुका तालुका कृषी अधिकारी जितेंद्र पाटील यांच्या ताब्यातील एमएच १५ एए १८० या क्रमांकाच्या शासकीय वाहनाला कृषी कार्यालयातील आवारातच आग लागल्याची घटना दि. १८ रोजी पहाटे ३ वाजेच्या सुमारास घडली. यात वाहनांचे अतोनात नुकसान झाले आहे. या घटनेमुळे परीसरात खळबळ उडाली आहे. या वाहनाला आग अचानक लागली की लावली गेली याबाबत तर्कवितर्क लढवले जात आहेत.
मिळालेल्या माहितीनुसार, दि.१७ रोजी सायंकाळी तालुका कृषी अधिकारी यांच्या शासकीय वाहनावरील चालकाने सदर वाहन नेहमीप्रमाणे कार्यालयात आवारात लागले होते. परंतु रात्री गस्तीवर असलेल्या पोलीस कर्मचाऱ्यांना पाचोरा रोडवरील तालुका कृषी कार्यालयाच्या आवारातील शासकीय वाहन जळत असल्याचे दिसले. त्यांनी ही घटना पोलीस निरीक्षक व तालुका कृषी अधिकारी यांना भ्रमणध्वनीवरून कळविली. त्यानतंर नगरपालिकेच्या अग्निशमन दलाला पाचारण करण्यात आले. दलाच्या जवानांनी आगीवर नियंत्रण मिळविले. पोलीस व कृषी खात्याचे अधिकाऱ्यांनी घटनास्थळी धाव घेतली. या आगीत वाहनाचे प्रचंड प्रमाणात नुकसान झाले आहे.
सदर वाहन हे वाहन चालकाने सायंकाळी लावलेल्या जागेवरून हल्ल्याचे सांगितले जात आहे. त्यामुळे सदर वाहनाला आग अचानक लागली की लावली गेली. याबाबत तर्कवितर्क लढवले जात आहेत. तसा व्हिडिओ सोशल मिडियावर फिरत असून या व्हिडिओतील संशयित आरोपींचा पोलीस कसून शोध घेत असल्याची माहिती पोलीस निरीक्षक मुरलीधर कासार यांनी प्रसारमाध्यमांना दिली आहे. या घटनेबाबत सहाय्यक अधीक्षक अजय मनवर यांच्या फिर्यादीवरून अज्ञात व्यक्तींविरोधात पोलीस स्टेशनमध्ये गुन्हा दाखल करण्यात आला आहे. पुढील तपास पोलीस निरीक्षक मुरलीधर कासार यांच्य मार्गदर्शनाखाली सुरू आहे.
