जळगाव मिरर | २ जुलै २०२६
चाळीसगाव तालुक्यातील एका गावातील १४ वर्षीय अल्पवयीन मुलीला फूस लावून पळवून नेले होते. याप्रकरणी चाळीसगाव ग्रामीण पोलीस ठाण्यात गुन्हा दाखल होताच पोलीसांनी तपासाची सुत्रे फिरवून कोपरगाव येथून पीडित मुलीसह तरुणास ताब्यात घेतले. यात तरुणाने पीडितेतवर अत्याचार केल्याचे समोर आले आहे. याप्रकरणी तरूणासह एका महिलेच्या विरोधात गुन्हा दाखल करण्यात आली असून त्या दोघांना अटक करण्यात आली आहे.
चाळीसगाव तालुक्यातील एका गावातील १४ वर्षीय अल्पवयीन मुलीला संशयित अमर राजेंद्र बागूल याने काहीतरी फूस लावून अमिष दाखवून पळवून नेले होते. याप्रकरणी पीडितेच्या आईने चाळीसगाव ग्रामीण पोलीस स्टेशनला दिलेल्या फिर्यादीवरून गुन्हा दाखल करण्यात आला. सहाय्यक पोलीस निरीक्षक विजय माळी यांच्या मार्गदर्शनाखाली पोलीसांनी तपास सुरू केला. उपनिरीक्षक राहूल राजपूत यांना पीडित मुलगी व तरुण कोपरगाव येथे असल्याची माहीती मिळाली. राजपूत यांच्यासह एएसआय युवराज नाईक, पोकॉ. निवृत्ती चित्ते, महिला पोकॉ. शितल पाटील यांच्या पथकाने सापळा रचून पीडित मुलीसह तिला पळवून नेणाऱ्या तरुणास ताब्यात घेऊन चाळीसगाव पोलीस ठाण्यात आणले.
पीडित मुलीची महिला पोलीस अधिका-यांनी विचारपूस करून जाबजबाब नोंदविले असता, संशयित अमर बागूल याने तिस पळवून नेत तिच्याशी शारीरीक संबंध केल्याचे समोर आले. पळवून घेऊन जाण्यापूर्वी बागूल याने एका महिलेच्या घरातही अल्पवयीन मुलीवर हे या चार केल्याचे उघड मुलीवर अत्याचार केल्याचे उघड ग्रामीण पोलीस स्टेशनला गुन्हा दाखल करण्यात आला आहे. तपास पोलीस उपनिरीक्षक राहूल राजपूत करीत आहेत.
