जळगाव मिरर | ११ जुलै २०२६
पालकडून रावेरच्या दिशेने दरोड्याच्या उद्देशाने येणाऱ्या दोघांच्या मुसक्या आवळ्यात रावेर पोलिसांना यश आले आहे. यात जमावाने चोप दिल्याने दोघेही चोरटे जखमी झाले असून त्यांना उपचारार्थ रुग्णालयात दाखल करण्यात आले आहे. तर तीन संशयित पसार झाला असून ही घटना गुरुवारी घडली.
मिळालेल्या माहितीनुसार, तालुक्यातील पाल येथे पांढऱ्या रंगाची ईको चारचाकी (एमएच १९, ईए- २४०३) ही संशयितरित्या फिरत होती. या गाडीत जवळपास ५ व्यक्ती असून ते वाहनासह रावेर शहराकडे सुसाट जात असल्याची माहिती पाल येथे कर्तव्यावर असलेल्या रावेर पोलिस ठाण्याच्या पो.हे.कॉ ईश्वर चव्हाण यांना ९ जुलैला मिळाली. त्यानंतर त्यांनी तत्काळ ही माहिती रावेर पोलिस ठाण्याचे पो.नि. संदीप पाटील यांना दिली. त्यांनी लागलीच रावेरच्या गुन्हे शोध पथकाला सूचना देवुन पालकडे रवाना केले. तर एक पथक पालकडून रावेरकडे पाठवले. दरम्यान, आभोडा गावाजवळ या चारचाकीने दुचाकींना कट मारल्याचे गुन्हे शोध पथकाच्या निर्दशनास आले. तर पोलिसांचा सुगावा लागताच हे चोरटे बेदरकारपणे वाहन चालवून रावेर शहराकडे भरधाव वेगाने निघाले.
परंतु, रावेर शहरातील आठवडे बाजाराच्या दिशेने जाताना बऱ्हाणपूर रोडवरील एका शेताजवळ पळून जाण्याचा प्रयत्नात चारचाकी चिखलात रुतली. दरम्यान, त्यांच्यामागे पोलिसांसह इतर १५ ते २० जणांचा जमाव ही त्यांचा पाठलाग करत होता. जमावाने चारचाकीजवळ जावून चोरट्यांना पकडण्याचा प्रयत्न केला. परंतु काही व्यक्ती शेतशिवाराचा फायदा घेत पळून गेले. तर, दोन चोरटे जमावाच्या हाती लागले. पोलीस पोहोचेपर्यंत जमावाने त्यांची यथेच्छ धुलाई केली. पोलिसांनी वेळेच गांभीर्य लक्षात घेवून चोरट्यांना लागलीच जमावाच्या तावडीतून सोडवून सोडवत रिक्षाने रावेर ग्रामीण रग्णालयात उपचारार्थ दाखल केले. या प्रकरणी रावेर पोलिस ठाण्यात या सर्वांवर गुन्हा दाखल करण्यात आला आहे. पोलिसांनी चारचाकीतून १ तलवार पेंचीस, टॉमी, लाल मिर्चीची पुड, दोर क ५०० रपये दराच्या ३ लाखांच्या चिल्ड्रन बँकेच्या (नकली नोटा तसेच मारुत सुझुकी कंपनीची इकोगाडी (एमएच-१९ ईए-२४०३) असा मद्देमाल जप्त केला. हे संशयित रावेर शहरात दरोडा टाकण्याच्य तयारीत असल्याचे प्राथमिक तपासात निष्पन्न झाले आहे. या प्रकरणी निखील प्रवीण पाटील (वय २०) व अल्ताफ जलाल शेख (वय २६, दोघे रा. साईनगर, घोडबंदर रोड, कासार वडवली, जि. ठाणे) यांना ताब्यात घेतले आहे. तर पाल येथील मेहरबान जहांगीर तडवी व त्याचे दोन साथीदार फरार झाले आहेत. या संशयितांकडून अनेक गुन्ह उघडकीस येण्याची शक्यता आहे. य घटनेचा तपास पो.उ.नि. तुषार पाटील करत आहेत.
ही कारवाई जिल्हा पोलीस अधीक्षक श्रीकांत धिवरे, अप्पर पोलीस अधीक्षक संदीप गावीत, उपविभागीय पोलीस अधिकारी अनिल बडगुजर यांच्या मार्गदर्शनात रावेर पोलिस ठाण्याचे पो. नि. संदीप पाटील, पो.उ.नि. मनोज महाजन, पो.उ.नि. तुषार पाटील, गुन्हे शोध पथकातील पो.हे.कॉ. समाधान ठाकूर, ईश्वर चव्हाण, सुनील वंजारी, श्रीकांत चव्हाण, प्रमोद पाटील, विशाल पाटील, सुकेश तडवी, संतोष इदा यांनी केली आहे.
