जळगाव मिरर | १२ सप्टेंबर २०२६
जळगाव जिल्हा पोलीस दलाच्या वतीने आयोजित करण्यात आलेल्या ‘विश्वासाची लेन्स’ या राज्यस्तरीय/जिल्हास्तरीय छायाचित्र (फोटोग्राफी) स्पर्धेत भूषण हंसकर यांनी उत्कृष्ट कौशल्याच्या जोरावर दुहेरी मुकुट पटकावला आहे. त्यांनी ‘गुन्हे विषयक छायाचित्र’ आणि ‘जळगाव वारसा’ अशा दोन्ही दोन्ही वेगवेगळ्या श्रेणींमध्ये प्रथम क्रमांक पटकावून विशेष यश संपादन केले.
या उल्लेखनीय यशाबद्दल आयोजित विशेष कार्यक्रमात जिल्ह्याचे पालकमंत्री व पाणी पुरवठा मंत्री श्री. गुलाबराव पाटील तसेच नाशिकचे पालकमंत्री आणि जलसंपदा (विदर्भ, तापी व कोकण विकास) व आपत्ती व्यवस्थापन कॅबिनेट मंत्री श्री. गिरीशभाऊ महाजन यांच्या हस्ते भूषण हंसकर यांचा सन्मानचिन्ह व प्रशस्तीपत्र देऊन गौरवपूर्ण सत्कार करण्यात आला.
पोलीस आणि नागरिक यांच्यातील विश्वास व समन्वय वाढवण्याच्या उद्देशाने जळगाव जिल्हा पोलीस दलाने या उपक्रमाचे आयोजन केले होते. यामध्ये भूषण हंसकर यांनी टिपलेल्या उत्कृष्ट छायाचित्रांनी परीक्षकांची आणि उपस्थितांची मन जिंकली.
प्रमुखांची उपस्थिती:
या सत्कार समारंभाला लोकप्रतिनिधी आणि प्रशासकीय अधिकाऱ्यांची प्रमुख उपस्थिती लाभली होती. यामध्ये:
* श्री. संजय सावकारे (वस्त्रोद्योग मंत्री, महाराष्ट्र राज्य)
* श्री. राजूमामा भोळे (आमदार)
* श्री. मंगेश चव्हाण (आमदार)
* श्री. रोहन घुगे (जिल्हाधिकारी, जळगाव)
* श्री. श्रीकांत धिवरे (पोलीस अधीक्षक, जळगाव)
* श्री. संदीप गावित (अप्पर पोलीस अधीक्षक)
या सर्व मान्यवरांनी भूषण हंसकर यांचे कौतुक करत त्यांच्या पुढील वाटचालीस आणि फोटोग्राफी क्षेत्रातील यशासाठी शुभेच्छा दिल्या. जळगावचा वारसा आणि गुन्हे विषयक छायाचित्रांच्या माध्यमातून समाजासमोर आणल्याबद्दल हंसकर यांच्यावर सध्या कौतुकाचा वर्षाव होत आहे.
