जळगाव : प्रतिनिधी
अमेरिकेला स्वातंत्र्य मिळून 200 पेक्षा अधिक वर्षे झाली मात्र उपग्रह , अणूचाचणी , महिलांचा सन्मान , शस्त्रास्त्र निर्मिती मध्ये जे यश संपादन केले ते भारताने स्वातंत्र्याच्या ७५ वर्षात प्राप्त केले असे स्पष्ट प्रतिपादन प्रसिध्द विचारवंत जयसिंग वाघ यांनी केले ते खान्देश कॉलेज सोसायटी संचलित शिक्षणशास्त्र व शारीरिक शिक्षणशास्त्र महाविद्यालयात ‘ स्वातंत्र्याच्या अमृतमहोत्सवातील अमृतकण ‘ या विषयावर मुख्यवक्ता म्हणून भाषण करीत होते , सदर कार्यक्रम 24 ऑगस्ट रोजी संपन्न झाला.
जयसिंग वाघ पुढं आपल्या भाषणात म्हणलेकी स्वातंत्र्याच्या 75 वर्षात आम्ही संविधान निर्माण केले , काश्मीरला भारतात विलीन केले , सिक्कीमला भारतात विलीन केले , पाकिस्तान सोबत झालेल्या युद्धात यश मिळविले , बांगलादेश निर्माण केला , खलिस्तान , बोडो , गोरखा या चळवळी शांत केल्या , पंतप्रधान , राष्ट्रपती सारख्या पदावर महिला विराजमान झाल्या , उपग्रहात नासाची बरोबरी केली , अंतराळात शंभर पेक्षा अधिक उपग्रह सोडले , संगणकात जागतिक क्रांती केली , ३७० वे कलम रद्द केले , तीन तलाक पद्धत रद्द केली अशे कितीतरी अमृतकण आम्ही निर्माण करू शकलो , तिसरी जागतिक महासत्ता म्हणून आम्ही बरीच मजल गाठली या सर्व बाबी विद्यार्थ्यांनि नीट अभ्यासून स्वातंत्र्या विषयी गंभीर व्हावे व उज्वल भवितव्यासाठी प्रयत्न करावे असे आवाहन वाघ यांनी केले , वाघ यांच्या भाषणाने प्राध्यापक व विद्यार्थी खूप प्रभावीत झाले.
अध्यक्षस्थानी प्राचार्य डॉ ए आर राणे होते त्यांनी आपल्या भाषणात स्वातंत्राच्या लढ्याचा इतिहास अतिशय प्रेरणादाई व रोमांचकारी असल्याचे सांगून अनेकांच्या बलिदानातून ते आपल्याला मिळाले असल्याने त्याविषयी आपण गंभीर असावे , स्वातंत्र्य म्हणजे स्वैराचार नव्हे हे ध्यानात घ्यावे असे आवाहन केले. सुरवातीस जयसिंग वाघ यांचा शाल , बुके देऊन प्राचार्य डॉ ए आर राणे यांच्या हस्ते सत्कार करण्यात आला , कार्यक्रमाचे सूत्रसंचालन व प्रास्ताविक आणि पाहुण्यांचा परिचय प्रा . डॉ.कुंदा बाविस्कर , तर आभार प्रदर्शन प्रा. डॉ. स्वाती चव्हाण यांनी केले. कार्यक्रमास सर्व प्राध्यापक , कर्मचारी , विद्यार्थी मोठ्या संख्येने हजर होते
