नवी दिल्ली : वृत्तसंस्था
तुम्ही जर एखादी दमदार मायलेज देणारी हॅचबॅक कार खरेदी करण्याच्या विचारात असाल मारुती सुझुकी सेलेरियो या शानदार कारचा पर्याय तुमच्यासमोर आहे. ही कार तुम्ही कमी किंमतीत खरेदी करू शकताच तसेच ही कार देशात सर्वाधिक मायलेज देणाऱ्या कारपैकी एक आहे. कंपनीने अलिकडेच ही कार अपडेट देखील केली आहे. मारुती सेलेरियो कारचं एलएक्सआय हे व्हेरिएंट तुम्ही खरेदी करू शकता. या मॉडेलची किंमत ५,२५,००० रुपये इतकी आहे. ही एक्स शोरूम किंमत आहे. या कारची ऑन रोड प्राईस ५,९२,७८० रुपये इतकी आहे.
मारुती सुझुकी सेलेरियो ही कार खरेदी करण्यासाठी ६ लाख रुपयांचं बजेट असलं पाहिजे. मात्र तुमच्याकडे इतके पैसे नसले तरी हरकत नाही. ही कार तुम्ही सोप्या फायनान्स प्लॅनसह खरेदी करू शकता. आम्ही तुम्हाला या कारवरील फायनान्स प्लॅन आणि ईएमआयची माहिती देणार आहोत.
Maruti Celerio LXI Finance Plan
ऑनलाईन डाऊन पेमेंट आणि ईएमाय कॅल्क्युलेटरनुसार ही कार तुम्ही अवग्या ५९,००० रुपयांच्या डाऊन पेमेंटवर खरेदी करू शकता. तर बँक तुम्हाला ९.८ टक्के व्याजदराने पुढीच पाच वर्षांसाठी ५,३३,७८० रुपयांचं कर्ज देईल. हे कर्ज फेडण्यासाठी पुढचे ६० महिने तुम्हाला दर महिन्याला ११,२८९ रुपयांचा हप्ता म्हणजेच ईएमआय भरावा लागेल. एक लक्षात घ्या की, तुमच्या कर्जावरील व्याजदर हा तुमच्या सिबिल स्कोरवर अवंबून असतो. तुमचा सिबिल स्कोर खराब असेल तर तुमच्याकडून जास्त व्याजदर आकारला जाईल.
Maruti Celerio LXI Engine and Transmission
मारुती सुझुकी सेलेरियो या कारमध्ये कंपनीने ९९८ सीसी क्षमतेचं इंजिन दिलं आहे हे इंजिन ५ स्पीड मॅन्यूअल ट्रान्समिशनसह येतं. हे इंजिन ६५,७१ बीएचपी पॉवर आणि ८९ न्युटन मीटर टॉर्क जनरेट करू शकतं. या कारच्या मायलेजबद्दल बोलायचं झाल्यास ही कार २५.२४ किमी प्रति लीटर इतकं मायलेज देते, असा दावा कंपनीने केला आहे. हे मायलेज एआरएआय प्रमाणित आहे.
Celerio LXI Features
या कारच्या फीचर्सबद्दल बोलायचं झाल्यास यामध्ये मल्टी फंक्शन स्टीअरिंग, पॉवर अ‍ॅडजस्टेबल एक्सटीरियर मिरर, इंजिन स्टार्ट स्टॉप बटण, अँटी लाँक ब्रेकिंग सिस्टिम, अलॉय व्हील्स, फॉग लॅम्प, फ्रंट सीट्सवर डुअल एअरबॅग्ससारखे फीचर्स यामध्ये देण्यात आले आहेत.
