जळगाव मिरर | २६ नोव्हेबर २०२४
शहरातील समता नगर परिसरातील एका भागात राहणाऱ्या १६ वर्षीय अल्पवयीन मुलीला अज्ञात व्यक्तीने काहीतरी आमिष दाखवत फूस लावून पळवून नेल्याची घटना २१ नोव्हेंबर रोजी सायंकाळी ६ वाजेच्या सुमारास समोर आली आहे. याप्रकरणी रविवारी २४ नोव्हेंबर रोजी सायंकाळी ५.३० वाजता रामानंदनगर पोलीस ठाण्यात अज्ञात व्यक्ती विरोधात अपहरणाचा गुन्हा दाखल करण्यात आला आहे.
मिळालेल्या माहितीनुसार, समता नगर परिसरातील एका भागात १६ वर्षीय अल्पवयीन मुलगी ही आपल्या कुटुंबासह वास्तव्याला आहे. २१ नोव्हेंबर रोजी सायंकाळी ६ वाजेच्या सुमारास पीडित मुलगी ही घरी असताना तिला अज्ञात व्यक्तीने काहीतरी आमिष दाखवत फूस लावून पळून नेल्याची घटना घडली आहे. या प्रकारणी रविवारी २४ नोव्हेंबर रोजी सायंकाळी ५.३० वाजता रामानंदनगर पोलीस ठाण्यात धाव घेऊन तक्रार दिली आहे. त्यानुसार अज्ञात व्यक्ती विरोधात अपहरणाचा गुन्हा दाखल करण्यात आला.
