जळगाव मिरर | १८ जून २०२५
जामनेर तालुक्यातील शेंदुर्णी परिसरातील गोंदेगावजवळ भरधाव वाहनाच्या धडकेत सिमेंट व्यावसायिक किशोर पेंढारकर यांची कन्या डॉ. स्नेहल प्रीतम रावते यांचा सोमवारी रात्री सव्वा आठ वाजता जागीच मृत्यू झाला. या घटनेने शहरात हळहळ व्यक्त होत आहे. मगळवारी दुपारी डॉ. स्नेहल यांच्यावर पाचोरा येथे अंत्यसंस्कार करण्यात आले.
सविस्तर वृत्त असे कि, १६ जून रोजी डॉ. स्नेहल या वडील किशोर पेंढारकर यांच्यासोबत भुसावळ येथे दुचाकीने पासपोर्टच्या संदर्भातील कागदपत्रे पोलिसांना देण्यासाठी गेले होती. त्यानंतर कामे आटोपून दोघे जामनेर येथे आले, त्यांनी नातेवाईकांकडे जेवण केले आणि पाचोऱ्याकडे निघाले. गोंदेगावजवळ मागून भरधाव डंपरने जबर धडक दिली. डॉ. स्नेहल यांचा विवाह गेल्या दोन वर्षापूर्वी मूळचे खेडी (ता. चाळीसगाव) व हल्ली सुरत येथे राहत असलेल्या मुलाशी झाला होता. स्नेहल यांनी नुकतेच तीन वर्ष वैद्यकीय क्षेत्रात शिक्षण पूर्ण केल्यानंतर त्यांना लंडन येथे पुढील शिक्षणासाठी जायचे असल्याने पासपोर्ट काढण्यासाठी त्या भुसावळला गेल्या होत्या.
