जळगाव मिरर | २९ ऑगस्ट २०२३
राज्यात गेल्या काही महिन्यापासून भाजप व शिवसेनेच्या सत्तेत अजित पवारांचा प्रवेश झाल्याने मुख्यमंत्री एकनाथ शिंदे यांचे मुख्यमंत्री पद संकटात आले असतांना आता शिंदे गटाचे आमदारांनी खळबळजनक दावा केला केल्यानंतर राष्ट्रवादीचे नेते आ.जिंतेद्र आव्हाड यांनी देखील प्रतिउत्तर दिल्याने राज्याच्या राजकारणात चांगलीच जुगलबंदी रंगणार आहे.
आ.बागर म्हणाले कि, मी मुख्यमंत्री झालो तर पोलिसांना मी भगव्या टोप्या देईल, शिवाय बाळासाहेब ठाकरे यांनी देखील मुख्यमंत्री झालो तर पोलिसांना भगव्या देऊ, असं म्हटल्याची आठवण संतोष बांगर यांनी करून दिली आहे. यावर आता माजी मंत्री, राष्ट्रवादीचे आमदार जितेंद्र आव्हाड यांनी प्रतिक्रिया दिली आहे. संतोष बांगर यांचं वक्तव्य ऐकून मला अतिशय आनंद होतोय, असं जितेंद्र आव्हाड यांनी म्हटलं आहे. ते ठाण्यात माध्यमांशी बोलत होते.
बांगर यांचं म्हणणं ऐकून मला अतिशय आनंद होतोय. माणसाने स्वप्न पहावीत ना. माणसाने महत्वकांक्षी असावं. महाराष्ट्राची आजची परिस्थिती बघता संतोष बांगर यांचं हे स्वप्न सत्यात उतरणं शक्य आहे. त्यामुळे संतोष बांगर स्वप्न बघत असेल तर वाईट काय? महाराष्ट्रातील बदललेल्या संस्कृतीत संतोष बांगर यांचं महत्त्वाचं स्थान आहे, असं जितेंद्र आव्हाड म्हणालेत.आमच्यातील एक वंजारी स्वप्न बघत आहे. त्या स्वप्न सत्यात उतरतंय की नाही हा नंतरचा प्रश्न आहे. मात्र स्वप्न तर बघतोय. खांद्यावर बसून सिल्वेस्टर स्टेलोनसारखी बॉडी दाखवत आहे. असा मुख्यमंत्री मला आवडेल, असं जितेंद्र आव्हाड म्हणालेत. संतोष बांगर माझ्या भावासारखा मित्र आहे. त्याच्या मनातील इच्छा काय आहेत. हे सर्वात जास्त मला माहित आहेत. त्याच्या सर्व काही गोष्टी मला माहित आहेत. अमेरिकनमधील सिल्वेस्टर स्टेलोन, माइक टायसन देखील सध्या घाबरलेला आहे. हा कोण मोठा आमच्यापेक्षा जास्त बायसेप शोल्डर असणारा कोण खेळाडू आहे?, असा प्रश्न त्यांना पडला आहे, असं जितेंद्र आव्हाड म्हणालेत. गंजी फ्रॉकमध्ये लोकांमध्ये यायला हिंमत लागते. ती हिंमत संतोष बांगरमध्ये आहे, असंही ते म्हणालेत.
