जळगाव मिरर | १८ डिसेंबर २०२४
एकाच इमारतीमध्ये राहणाऱ्या परप्रांतीय विवाहितेचा आक्षेपार्ह व्हिडीओ काढला. तो व्हिडीओ व्हायरल करण्याची धमकी देत २२ वर्षीय विवाहितेवर राहूल योगराज पाटील (वय २६, रा. अयोध्या नगर) या तरुणाने अत्याचार केल्याची घटना दि. १ जानेवारी ते दि. १३ फेब्रुवारी दरम्यान घडली. याप्रकरणी संशयिताविरुद्ध गुन्हा दाखल झाला असून त्याला अटक करण्यात आली आहे. तसेच न्यायालयाने त्याला दि. २० पर्यंत पोलीस कोठडी सुनावली.
सविस्तर वृत्त असे कि, शहरातील एमआयडीसी पोलीस ठाण्याच्या हद्दीत २२ वर्षीय परप्रांतीय विवाहिता आपल्या पतीसोबत वास्तव्यास आहे. त्याच परिसरातील एका इमारतीमध्ये राहूल पाटील हा संशयित भाड्याने वास्तव्यास आहे. त्याने विवाहितेचा आक्षेपार्ह व्हीडीओ काढून त्यांना तो व्हीडीओ व्हायरल करण्याची धमकी देत त्याने दि. १ जानेवारी ते दि. १३ फेब्रुवारी दरम्यान, वेळोवेळी विवाहितेवर अत्याचार केला. संशयिताकडून वारंवार व्हीडीओ व्हायरल करण्याची धमकीला आणि त्रासाला कंटाळून विवाहिता आपल्या मूळ गावी निघून गेल्या होत्या.
दरम्यान, विवाहितेने ही बाब पतीच्या लक्षात आणून दिल्यानंतर पतीने तिला धीर देत त्यांनी दि. १६ रोजी एमआयडीसी पोलीसात तक्रार दिली. त्यानुसार संशयित राहुल पाटील याच्याविरुद्ध एमआयडीसी पोलिस ठाण्यात गुन्हा दाखल करण्यात आला आहे. पोलिसात गुन्हा दाखल झाल्यानंतर एमआयडीसी पोलिसांनी संशयित राहूल पाटील याला अटक केली. त्याला मंगळवारी न्यायालयात हजर केले असता, न्यायालयाने त्याला दि. २० रोजी पर्यंत पोलीस कोठडी सुनावली. पुढील तपास सपोनि माधुरी बोरसे करीत आहेत.
