जळगाव मिरर | ११ नोव्हेबर २०२४
पारोळा येथील तरूण अमळनेर येथे कामानिमित्त गेले असता तिकडून येत असतांना समोरून येणाऱ्या ट्रॅक्टरने धडक दिल्याने त्यांचा जागीच मृत्यू झाल्याची घटना अमळनेर पारोळा रस्त्यावर सडावन गावाच्या पुढे जिनिंग जवळ दिनांक ९ रोजी रात्री आठ वाजेच्या सुमारास घडली.
मिळालेल्या माहितीनुसार, गिरीधर इंदरलाल लुल्ला सिंधी (वय ४२) रा.जैन मंदिर समोर हत्ती गल्ली ( गोंधळ वाडा) पारोळा हे आपल्या मोटरसायकल क्रमांक एम.एच. १९ बी.एच ६६३८ वर पारोळा जाण्यासाठी अमळनेरहून निघाले. दि. ९ रोजी रात्री ८ वाजेच्या सुमारास एका विना नंबरच्या ट्रॅक्टरने समोरून जोरदार धडक दिल्याने ते मोटरसायकलसह खाली पडले. त्यांच्या डोक्याला जबर मार लागून ते रक्तबंबाळ झाले. कुणीतरी त्याच्या मोबाईलवरून त्यांचे नातेवाईक व्यापारी रविकुमार वसंतकुमार माधवाणी रा. सिंधी कॉलनी अमळनेर यांना कळवले. त्यांनी अमळनेर पोलीस स्टेशनला फिर्याद दिल्यावरून अज्ञात ट्रॅक्टर चालक विरुद्ध गुन्हा दाखल करण्यात आला असून पुढील तपास पोलीस करीत आहेत.
शहरातील दोन हरहुन्नरी तरूणांचा एकापाठोपाठ मृत्यू व एका जेष्ठ नागरिकांच्या मृत्यूने संपूर्ण सिंधी समाजावर शोककळा पसरली आहे. शहरात आगोदरच अल्प प्रमाणात असलेल्या सिंधी समाजात अवघ्या दहा दिवसांत तीन व्यक्तीच्या मृत्यू झाल्याने संपूर्ण समाज हादरला आहे. यात शहरातील एका जेष्ठ व्यक्तीचे ऐन दिवाळीच्या तोंडावर ३१ अॅक्टोंबर रोजी नारायणदास लालवाणी यांचे वृद्धापकाळाने निधन झाले त्यानंतर अवघ्या पाच दिवसात शहरातील सर्वांच्या सुख दुःखात कोणत्याही वेळप्रसंगी धावून येणारा ३५ वर्षीय प्रशांत उर्फ गोलु नागदेव यांचे आपघाती निधन झाले नंतर लगेचच चार दिवसांच्या अंतराने येथील तरूण ४२ वर्षीय गिरधर लुल्ला (सिंधी) यांचे अमळनेर जवळील जिन जवळ अपघातात मृत्यू झाला यासर्व घटना एका पाठोपाठ घटल्याने शहरातील संपूर्ण समाज हादरला आहे.
