जळगाव मिरर । ११ ऑगस्ट २०२३
देशातील अनेक अभिनेत्री अभिनेता कुठलाही सण असो वा कार्यक्रम नेहमी प्रमाणे फोटो सोशल मीडियावर व्हायरल करीत असतात. पण सध्या एका व्हिडीओमुळे अभिनेत्री कियारा चर्चेत येत ट्रोल देखील झाली आहे.
नुकतेच वाघा- अटारी बॉर्डरवर अभिनेत्री कियारा अडवाणी गेली होती. या ठिकाणचे तिचे काही फोटो व व्हिडिओ सोशल मीडियावर मोठ्या प्रमाणात व्हायरल देखील झाले आहे. पण वाघा- अटारी बॉर्डरवर केलेल्या एका चुकीमुळे कियारा ट्रोल झाली आहे.
या व्हिडीओमध्ये तिरंगा हातात घेतलेला ती दिसत आहे मात्र तिला ध्वज फडकवण्यासाठी तो कसा धरायला हवा, हेदेखील समजले नाहीये. शेजारी उभा असलेल्या BSF जवान तिला कसा ध्वज पकडायला हवा हे सांगताना दिसून येत आहे. तिरंगा फडकवण्यापेक्षा तिला स्वत:च्या फोटोसाठी पोज देण्यात जास्त रस असल्याचं दिसतंय. तिच्या या फोटोवर नेटकऱ्यांनी कमेंट केली आहे की, तिरंगा आपल्या देशाची शान आहे कृपया फोटोशूटसाठी त्याचा खेळण्यासारखा वापर करू नका. दुसऱ्या एकाने लिहलं आहे की आजपर्यंत मी अशी कोणतीही व्यक्ती बघितली नव्हती जिला तिरंगा फडकवता येत नाही. कियारा आपली देशभक्ती दाखवायला वाघा बॉर्डरवर गेली पण तिच्या तिरंगा चुकीच्या पद्धतीने पकडण्याच्या कृतीमुळे ती चांगलीच ट्रोल झाली आहे.




















