जळगाव : प्रतिनिधी
शहरातील सुरत रेल्वे गेट क्रोसिग करत असताना धावत्या रेल्वेचा धक्का लागल्याने वृद्धाच्या पायाला दुखापत झाली. उपचारादरम्यान वयोवृध्दाचा मृत्यू झाल्याची घटना घडली आहे. याबाबत लोहमार्ग पोलीस ठाण्यात अकस्मात मृत्यूची नोंद करण्यात आली आहे.
सविस्तर वृत्त असे की, शहरातल राधाकृष्ण नगरातील रहिवासी माजी सैनिक प्रकाश नारायण पाटील (वय ६५) हे शनिवारी ३ सप्टेंबर रोजी सकाळी १०.३० वाजेच्या सुमारास सुरत रेल्वे गेट क्रमांक १४८ जवळ रेल्वे रूळ क्रॉस करत असतांना बैरानी एक्सप्रेसचा त्यांचा जोरदार धक्का बसला. त्यांच्या पायाला गंभीर दुखापत झाली. त्यांना तातडीने जिल्हा शासकीय वैद्यकीय महाविद्यालयात उपचारार्थ दाखल करण्यात आले. दरम्यान, दुपारी ४ वाजता उपचारादरम्यान, त्यांचा मृत्यू झाला आहे. याप्रकरणी लोहमार्ग पोलीस ठाण्यात अकस्मात मृत्यूची नोंद करण्यात आली आहे. या प्रकरणी पुढील तपास पोलीस हेडकॉन्स्टेबल रविंद्र ठाकूर आणि किशोर पाटील करीत आहे.