जळगाव मिरर | २० नोव्हेबर २०२३
अनेक पती-पत्नीचे भांडण ठरलेले असते पण हे भांडण कुठे व कधी होणार हे सांगता येत नाही, याचा प्रत्यय चक्क जळगाव शहरातील एका कापड दुकानावर आला आहे. शहरातील एका कापड दुकानावर लग्नाच्या बस्त्यासाठी नातेवाईकांसोबत आलेल्या पती-पत्नीमध्ये घरगुती वाद सुरु झाल अन पतीने पत्नीला तू घरी ये, तुला पाहतोच असे म्हणत रस्त्यावरच मारहाण केली. ही घटना शहरातील शिवाजीनगर उड्डाणपुलाजवळ दि.१८ नोव्हेबर शनिवार रोजी घडली आहे.
मिळालेल्या माहितीनुसार, यावल तालुक्यातील किनगाव येथील पती-पत्नी हे नातेवाइकांकडे असलेल्या लग्नाच्या बस्त्यासाठी आले होते. पती मद्यपान करून आल्याने पती-पत्नीत वाद सुरू झाला. त्यावेळी पतीने शिवीगाळ करीत मारहाण केली. नातेवाइकांनी मध्यस्थी करत वाद मिटविण्याचा प्रयत्न केला. मात्र, दोघांमध्ये बराच वेळ वादविवाद सुरूच राहिला. अखेर शहर पोलिस ठाण्यात पत्नीने पतीविरुद्ध फिर्याद दिली. त्यावरून पतीविरुद्ध अदखलपात्र गुन्ह्याची नोंद करण्यात आली. यावेळी पतीने पत्नीसह नातेवाइकांनीदेखील मारहाण केल्याचा आरोप केला आहे. बस्ता ज्या दुकानात घ्यायला गेले तेथे न घेता दुसऱ्या दुकानातून घेऊ, असे मी सांगत होतो, त्यावरून मला मारहाण केल्याचे प्रतीचे म्हणणे होते
