जळगाव मिरर | २१ मे २०२५
यावल कामानिमित्त दुचाकीने यावलकडे जात असलेल्या दुचाकीस्वारांना वळणावर समोरुन भरधाव वेगाने येणाऱ्या स्कुलबसने जोरदार धडक दिली. या अपघातात दुचाकीवरील निशा राजेंद्र येवले व विशाल कुशल येवले (दोघ रा. कोरपावली, ता. यावल) या काकू पुतण्याचा दुर्देवी मृत्यू झाला. ही घटना मंगळवारी सकाळी साडेसात वाजता विरावली रस्त्यावर कृषी फलोत्पादन केंद्राजवळील खड्डेमय रस्ता वळणावर घडली, या घटनेमुळे सर्वत्र हळहळ व्यक्त केली जात आहे.
मिळालेल्या माहितीनुसार, यावल तालुक्यातील कोरपावली येथे निशाल येवले व विशाल येवले हे दोघ वास्तव्यास होते. मंगळवारी सकाळी साडेसात वाजेच्या सुमारास काकू पुतण्या हे काही कामानिमित्त दुचाकीने यावलकडे जाण्यासाठी निघाले कृषी फलोत्पादन केंद्राजवळील शहरापासून जवळच असलेल्या विरावली-कोरपावली रस्त्यात्बर स्कुल बस व मोटारसायकल यांच्यात समोरासमीर धडक झाली. या अपघातात दुचाकीवरील निशा येवले व विशाल येवले हे दोन्ही जागीच ठार झाले. घटनेची माहिती मिळताच याचल पोलीस ठाण्याच्या कर्मचाऱ्यांनी घटनास्थळी धाव घेतली.
घटनेची माहिती कळताच नातेवाईकासह नागरिकांनी मोठ्या प्रमाणात गर्दी केली होती. एकाच कुटुंबातील काकू आणि पुतण्यावर दुर्दैवी काळाने झडप घातल्यामुळे त्यांच्या कुटुंबियांवर दुःखाचा डोंगर कोसळला आहे. तसेच या घटनेमुळे परिसरात हळहळ व्यक्त केली जात आहे.
