आमदार बच्चू कडू सातत्याने चर्चेत असतात. कधी त्यांची विधानं, कधी त्यांची आंदोलनं, तर कधी कोणाला मदत केल्यानं. आताही ते पुन्हा एकदा चर्चेत आले आहेत. बच्चू कडू यांच्या आक्रमक शैलीमुळे आता ते अडचणीत सापडण्याची शक्यता आहे.
आमदार बच्चू कडू अचलपूर तालुक्यातल्या गणोजा गावात एका रस्त्याच्या उद्घाटनासाठी गेले होते. या रस्त्याच्या कामावर कार्यकर्त्याने गंभीर आरोप केले होते. बच्चू कडू उद्घाटनाला आल्यानंतर कार्यकर्त्याने हे सगळं बच्चू कडूंना सांगितलं. त्यावेळी रस्त्याचे कॉन्ट्रॅक्टर आणि इंजिनियरही उपस्थित होते. त्यावेळी, ज्या भागासाठी रस्ता मंजूर झाला होता, तिथे हा रस्ता झाला नाही, असा आक्षेप या कार्यकर्त्याने घेतला होता. तसंच ज्या भागात काम झालेलं नाही, तो रस्ता कुठे गेला, असंही या कार्यकर्त्याने विचारलं.
…अन् संतापलेल्या बच्चू कडूंनी पोलिसांसमोरच कार्यकर्त्याच्या कानाखाली मारली! @SakalMediaNews #sakalmedia @RealBacchuKadu pic.twitter.com/QhisDP8EDP
— Vaishnavi Karanjkar (@vaishnavikaran4) September 28, 2022
यानंतर भडकलेल्या बच्चू कडूंनी त्याला समजावण्याचा प्रयत्न केला आणि मूर्खासारखं काहीही बोलतोयस, असं विधान केलं. त्यावर या कार्यकर्त्यानेही बच्चू कडूंना सुनावलं, मूर्खात काढू नका, असं त्याने म्हणताच बच्चू कडू भडकले आणि आमचं बोलणं ऐकून घे, असा दम त्याला दिला. प्रकरण तापतंय हे लक्षात येताच तिथल्याच एका कार्यकर्त्याने मध्यस्थी करण्याचा प्रयत्न केला. त्यावेळी संतापलेल्या बच्चू कडूंनी त्याच्या कानशिलात लगावली आणि त्यालाही शांत बसायला सांगितलं. या सगळ्याचा व्हिडीओ सोशल मीडियावर व्हायरल होत आहे.
