जळगाव मिरर | २३ ऑक्टोबर २०२४
राज्यात विधानसभा निवडणुकीची आचारसंहीता सुरु असून पोलिसांकडून सर्वत्र नाकाबंदी करुन वाहनांची तपासणी केली जात आहे. दरम्यान, वा तपासणीत एका चारचाकीतून दीड कोटी रुपयांची रोकड घेवून जाणारे वाहन कासोदा पोलिसांनी एरंडोल तालुक्यातील फरकांडे फाट्याजवळ पकडले. इतक्या मोठी रक्कम पोलिसांनी पकडल्यामुळे जिल्ह्यात एकच खळबळ माजून गेली होती.
निवडणुकीची आचारसंहीता लागू झाल्यानंतर निवडणुक काळात महा, रोकडसह इतर तत्सम वस्तूंची तस्करी मोठ्या प्रमाणात केली जाते. त्यांच्यावर लक्ष ठेवण्यासाठी पोलीस प्रशासन अलर्ट मोडवर काम करीत आहे. एरंडोल तालुक्यातील कासोदा पोलीस ठाण्याच्या हद्दीत पोलिसांकडून अचानक नाकाचंदी करण्यात आली. या नाकाबंदीमध्ये पोलिसांना एरंडोलकडून येणाऱ्या एका कारची तपासणी केली. या कारमध्ये सुमारे दीड ते दोन कोटी रुपयांची रोकड मिळून आली पोलिसांनी रोकडसह वाहन लागलीच कासोदा पोलिस ठाण्यात आणले.
कासोदा पोलिसांनी वाहनासह रोकड पोलीस ठाण्यात आल्यानंतर संबंधित कार चालकाची चौकशी केली जात होती. दरम्यान, ही रोकड जिनिंग व्यावसायीकाची असल्याची चर्चा त्याठिकाणी सुरु होती, मात्र त्याला पोलिसांकडून कुठलाही दुजोरा दिला जात नव्हता. इतकी मोठी रोकड मिळून आल्याने जिल्ह्यात खळबळ माजून गेली होती. एंडोल तालुक्यात दीड ते दोन कोटी रुपयांची रोकड वाहनात मिळून आल्यानंतर याबाबत निवडणूक विभागाला याबाबतची माहिती देण्यात आली. त्यानंतर एरंडोल येथील प्रांतधिकारी कार्यालयातील कर्मचाऱ्यांकडून रात्री उशिरापर्यंत रोकडबाबत चौकशी केली जात होती.