पाकिस्तानचे माजी पंतप्रधान इम्रान खान यांना अटक करण्यात आली आहे. त्यांना पाक रेंजर्सनी अटक केल्याचे सांगण्यात आले आहे. पाकिस्तान तेहरीक-ए-इन्साफ (पीटीआय) चे अध्यक्ष इम्रान खान यांना इस्लामाबाद उच्च न्यायालया बाहेर अटक करण्यात आली आहे. पाकिस्तान रेंजर्सने ही कारवाई केल्याचे सांगण्यात येत आहे. अल-कादिर ट्रस्ट प्रकरणात हजर राहण्यासाठी इम्रान जेव्हा उच्च न्यायालयात पोहोचले तेव्हा त्यांना पाक रेंजर्सनी ताब्यात घेतले.
मिळालेल्या माहितीनुसार, इम्रानला अटक केल्यानंतर परिसरात तणावाचे वातावरण आहे. न्यायालयाबाहेर मोठ्या प्रमाणात सुरक्षा दल तैनात करण्यात आले आहे. इम्रान खान यांचे वकील आणि समर्थकांनाही मारहाण करण्यात आल्याचे सांगण्यात येत आहे.
Former Pakistan PM & PTI chief Imran Khan has been arrested from outside the Islamabad High Court (IHC) by Rangers, reports Pakistan's Dawn News pic.twitter.com/FHFTw3wUbr
— ANI (@ANI) May 9, 2023
अटकेपूर्वी पाकिस्तानचे माजी पंतप्रधान इम्रान खान म्हणाले की, माझ्यावर कोणताही गुन्हा नाही. त्यांना मला तुरुंगात टाकायचे आहे, मी त्यासाठी तयार आहे. यानंतर इम्रानला अटक झाल्याची बातमी आली. या पाकिस्तान तहरीक-ए-इन्साफ (पीटीआय) ने ट्विट केले आहे की पाकिस्तान रेंजर्सने पीटीआय अध्यक्ष इम्रान खान यांचे अपहरण केले आहे.