जळगाव मिरर / २० फेब्रुवारी २०२३
आराध्य दैवत छत्रपती शिवाजी महाराज यांच्या जयंतीनिमित्त जळगावात मोठ्या संख्येने मिरवणूकीसह अश्वपथके, चित्तथरारक प्रात्यक्षिकांनी जळगावकरांची लक्ष वेधून घेतले होते.
शहरातील शिवतिर्थ मैदानावर छत्रपती शिवाजी महाराज यांच्या पूर्णाकृती स्मारकास मध्यरात्रीपासूनच अनेक सामाजिक संस्था व मंडळाच्यावतीने पुष्पहार अर्पण तसेच फटाक्यांची आतिषबाजी करीत छत्रपती शिवाजी महाराजांची जयंती महोत्सव साजरा होत होता. दिवसभर शहरातून विविध भागातून निघालेल्या मिरवणूकीने जळगाव शहरात शिवमय वातावरण निर्माण झाले होते. यावेळी सायंकाळी 4 वाजेच्या शिवतिर्थाजवळील मुख्य चौकात संजीवनी स्पोर्टस् असो.वतीने क्लासेसमधील 14 वर्षाआतील मुलींनी चित्तथरारक प्रात्यक्षिक करून जळगावकरांचे लक्ष वेधून घेतले होते.
या प्रात्यक्षिकांमध्ये थाईज ब्रेकींग (मांडीवर कौल फोडणे) मिनल कोळी, ऋषिकेश सपकाळे, हेड ब्रेकींग, (डोक्यावर कौल फोडणे)तपस्या वानखेडे, बलजित सिंग, (स्टमक कडिशन) पोटावर गाडी जाणे – मिनल कोळी, आगीचे कौल फोडणे – बलजित सिंग, पाठीवर कौल फोडणे – मोहित कोल्हे, ओम वाणी, राऊंडप किकने कौल फोडणे – सिध्दांत वाणी, काडी फिरविणे – देवश्री ठाकूर या विद्यार्थ्यांनी यशस्वी कामगिरी करीत प्रेक्षकांची दाद मिळविली. यावेळी शहराचे महापौर जयश्रीताई महाजन, शरद तायडे, विष्णू भंगाळे, संतोष पाटील, किशोर सपकाळे, रिंकू चौधरी, योगेश साळी यांनी विद्यार्थ्यांवर कौतुकाची थाप ही दिली.
या विद्यार्थ्यांचे प्रोत्साहन मिळविण्यासाठी वैशाली साळी, कशिश साळी, देवयानी सपकाळे, गुंजन सपकाळे, ट्विकल साळी, स्वामीनी अडावदकर, रिया पाटील, ऐश्वर्या चौधरी, अश्विनी सोळुंके, मिनल कोळी, हरिष सपकाळे, देवांश मोघे, अथर्व चौधरी, प्रचित चौधरी, ओम वाणी, प्रशांत साळुंखे, सोमनाथ लेकुरवाळे, ऋषिकेश सपकाळे, तपस्या वानखेडे, शुभम कोळी, मोहित कोल्हे, श्रेयस धांडे, हार्दिक पटेल, बलजित सिंग, सिंध्दात वाणी, आदित्य वाणी, कृष्णा वाणी, तनुजा माळी, दिपाली सैंदाणे, कौस्तुभ शिंदे यांनी टाळ्याच्या गजरात त्यांचे प्रात्यक्षिकांचा आनंद घेतला.
या प्रात्यक्षिकांचे प्रशिक्षण कराटे प्रशिक्षक डिगंबर महाजन, ज्ञानेश्वर पवार, अजय काशिद, राजेश इंगळे यांनी या विद्यार्थ्यांना दिले आहे.