जळगाव मिरर / १२ एप्रिल २०२३ ।
गेल्या काही महिन्यापासून जळगाव शहरातील चोरीचे प्रमाण सातत्याने वाढत आहे. त्यात अजून एक चोरीची भर पडली आहे. शहरातील शिवाजी नगर परिसरात चोरट्यांनी एका घरात डल्ला मारला आहे. या प्रकरणी शहर पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील शिवाजी नगर परिसरातील असलेले मारुती मंदिराच्या बाजूला वास्तव्यास असलेले प्रेमलता तिवारी (वय ४०) आहे. दि ११ रोजी घर बंद असून दरवाज्याची दोरी तोडून चोरट्यांनी घरातील तब्बल २० हजाराचा मुद्देमाल चोरून नेला आहे. यात १५ हजारांची रोख रक्कम तर २ मोबाईल असा मुद्देमाल लंपास केला आहे. याप्रकरणी शहर पोलिसात अनोळखी चोरट्या विरोधात गुन्हा दाखल करण्यात आला आहे. पुढील तपास पोहेकॉ.विजय निकुंभ हे करीत आहेत.
