जळगाव मिरर | १६ डिसेंबर २०२३
राज्यातील शिवसेनेत एकनाथ शिंदे यांनी बाहेर पडत शिवसेनेत मोठा भगदाड पाडल असून आता या आमदार अपात्र ठरणार याचा निकाल १० जानेवारीला लागणार असून त्यामुळे महायुतीचे सरकार पडणार असल्याचा दावा करण्यात येतोय. त्यातच मुख्यमंत्री एकनाथ शिंदे यांना मानहानी टाळून आपली प्रतिमा राखायची असेल तर राजीनामा देऊन उद्धव ठाकरेंपुढे शरणागती पत्कारावी. झाकली मूठ ठेवून ३१ डिसेंबरपुर्वीच राजीनामा द्या, असा सल्ला परभणीचे खासदार संजय जाधव यांनी मुख्यमंत्री एकनाथ शिंदे यांना दिला आहे.
अपात्र आमदारांच्या सुनावणी संदर्भात विधानसभा अध्यक्षांनी वेळ वाढवून मागितली होती. सर्वोच्च न्यायालयाने १० जानेवारीपर्यंत निर्णय देण्यास अध्यक्षांना सांगितले आहे. त्यामुळे आता जानेवारीमध्ये कोण अपात्र ठरणार,याचे उत्तर मिळणार आहे. त्यामुळे शिवसेनेच्या दोन्ही गटांकडून आपल्याच बाजुने निर्णय लागणार असल्याचा दावा करण्यात येतो आहे. मात्र, शरण से मरण टल सकता हे हे रामायणातील उदाहरण देत संजय जाधव यांनी एकनाथ शिंदे यांना माफी मागण्याचा सल्ला दिला.
हिंदुह्रदयसम्राट बाळासाहेब ठाकरे यांची शिवसेना संपवण्याचा प्रयत्न भाजपने केला आहे. त्यामुळे लोकसभा निवडणूकीनंतर एकनाथ शिंदे यांना संपवणे किती जड आहे, असा टोला खासदार जाधव यांनी लगावला. सर्वोच्च न्यायालयाने व्हीप हा सुनील प्रभूंचा असल्याचे सांगितल्यानंतर हे लोक म्हणतात आम्हाला व्हीप मिळालाच नाही. जर, व्हीप मिळाला नव्हता तर मग सरकार अल्पमतात आल्याचे सांगायला राज्यपालांकडे गेला होता का?असा सवाल खासदार संजय जाधव यांनी उपस्थित केला.
