जळगाव मिरर | ४ जून २०२३
जळगाव जिल्ह्यात गेल्या अनेक दिवसापासून अल्पवयीन मुलींसह विवाहितांना पळवून नेण्याची संख्या मोठ्या प्रमाणात असताना अमळनेर शहरात सुद्धा आज अशीच एक घटना घडली आहे शहरातील अठरा वर्षीय तरुणीला पळवून नेत असताना तरुणीच्या सतर्कतेने व पोलिसांच्या मदतीने तरुणी सुखरूप घरी असल्याची घटना उघडकीस आली आहे. हि घटना जणू एखाद्या चित्रपटात घडावी तशीच काही घडली आहे.
पोलिसांनी दिलेल्या माहितीनुसार, अमळनेर शहरातील एका परिसरातील रहिवासी असलेल्या १८वर्षीय मुलगी दिनांक २ रोजी रात्री ७.३० वाजेच्या सुमारास तरुणी एका झेरॉक्स दुकानात गेली असता त्या ठिकाणी २१ ते २२ वर्षीय इसम येत इथे कलर प्रिंट निघेल का अशी विचारणा केली असता तेथूनच तरुणीवर काहीतरी भुरड टाकून व काहीतरी कारणास्तव शहरातील एका ठिकाणी तरुणीला घेऊन जात तिचे हातपाय बांधून ठेवत तरुणीच्या जवळ कॉलेज बॅगमध्ये मोबाईल असल्याने तरुणीने लागलीच पोलिसांना 112 क्रमांक डायल करीत सदर घटना सांगितली असता पोलिसांनी लागलीच घटनास्थळी येत तरुणीचे हातपाय बांधलेले पाहून तिची सुटका केली त्यानंतर तरुणीच्या वडिलांना फोन करीत घटनास्थळी बोलवून घेतले या तरुणीला अनोळखी इसमाने मारहाण देखील केली होती तिच्यावर औषधोपचार करण्यासाठी पोलिसांनी एका शहरातील डॉक्टरांच्या दवाखान्यात तिला दाखल केले आहे त्यानुसार तिचा जबाब सुद्धा घेण्यात आल्याची घटना अमळनेर शहरात घडली आहे याप्रकरणी पुढील तपास पोलीस उपनिरीक्षक अनिल भुसारे हे करीत आहे.
