जळगाव मिरर | २४ फेब्रुवारी २०२४
दिव्यांग बांधवांसाठी व गरजू रुग्णांसाठी शासन विविध योजना राबवित आहे. शासन, जिल्हा प्रशासन दिव्यांग बांधवांसाठी तसेच रुग्णांच्या सेवेसाठी सदैव तत्पर असून त्यांना कोणतीही मदत हवी असल्यास, काही अडचण असल्यास तात्काळ दूर करण्याचा प्रयत्न करू. अशा प्रकारच्या शिबीराच्या माध्यमातून आरोग्य व दिव्यांग बांधवांना त्यांच्या दिव्यांगत्वावर मात करून जीवन सुसह्य होण्यास मदत होईल, राजकारण विरहित केलेली आरोग्यसेवेमुळे आत्मिक समाधान प्राप्त होते. असे प्रतिपादन पालकमंत्री तथा पाणीपुरवठा व स्वच्छता मंत्री गुलाबराव पाटील यांनी केले. माजी सभापती मुकुंदराव नन्नवरे, मुकुंदराव गोसावी व जी.पी.एस मित्र परिवाराने आरोग्य व दिव्यांगाच्या सेवेसाठी राबविलेल्या उपक्रमांचे कौतुक करून लवकरच दिव्यांगाना आवश्यक साहित्याचे वाटप केले जाईल व मोतीबिंदू असलेल्या जेष्ठ नागरिकांची अद्यावत शस्रक्रीया करण्यात येणार असल्याचे पालकमंत्री गुलाबराव पाटील यांनी सांगितले.
दिव्यांग, आरोग्य तपासणी व युडीआयडी कार्डचे झाले वाटप
मागासवर्गीय सेनेचे जिल्हाप्रमुख तथा माजी सभापती मुकुंदराव नन्नवरे , माजी जि. प. सदस्य प्रतापराव पाटील, मुक्ती फाउंडेशनचे अध्यक्ष मुकुंदराव गोसावी, जीपीएस परिवार व ना. गुलाबरावजी पाटील फाऊंडेशन यांच्या संयुक्त विद्यमाने आयोजित करण्यात आलेल्या शिबिरात 53 दिव्यांग बांधवांना युडीआयडी प्रमाणपत्राचे पालकमंत्री गुलाबराव पाटील यांच्या हस्ते वाटप करण्यात आले. तसेच शिबिरात सुमारे 300 दिव्यांग व्यक्तींची दिव्यांग प्रमाणपत्रासाठी तपासणी करण्यात आली असून 100 व्यक्तींची दिव्यांग साहित्यासाठी नोंदणी करण्यात आलीआहे. शिबिरात 269 जेष्ठ नागरीकांच्या केलेल्या तपासणीत 143 व्यक्तींची मोतिबिंदू शस्त्रक्रियेसाठी निवड करण्यात आली असून लवकरच त्यांचे पालकमंत्री गुलाबराव पाटील यांच्या मार्गदर्शनाखाली सिव्हील हॉस्पिटलमध्ये मोतीबिंदूंचे शस्त्रक्रिया करण्यात येणार आहे. यावेळी शेकडो नागरिकांनी आरोग्य तपासणीही केली. कार्यक्रमाचे प्रास्ताविक व सूत्रसचालन माजी सभापती मुकुंदराव नन्नवरे यांनी केले तर आभार माजी जि. प. सदस्य प्रतापराव पाटील यांनी मानले.
यांची होती उपस्थिती
यावेळी माजी सभापती मुकुंदराव नन्नवरे, मुक्ती फाउंडेशनचे अध्यक्ष मुकुंदराव गोसावी, दिव्यांग पुनर्वसन केंद्राचे एस.पी. गणेशकर, जिल्हा परिषद सदस्य प्रतापराव पाटील, तालुका वैद्यकीय अधिकारी डॉ . संजय चव्हाण, शिवसेनेचे जिल्हाप्रमुख निलेश पाटील, तालुकाप्रमुख डी. ओ. पाटील, संगोयो समितीचे अध्यक्ष गजानन पाटील, माजी सभापती मुकुंदराव नन्नवरे, अनिल पाटील, सचिन पवार, डॉ. कमलाकर पाटील, उपजिल्हाप्रमुख पी.एम. पाटील सर, मार्केट कमिटीचे प्रमोद पाटील, ग्रामविकास अधिकारी पाठक, डॉ. सचिन अहिरे, डॉ. विजय कुरकुरे, डॉ. प्रवीण पाटील, डॉ. नितीन विसपुते, डॉ. स्वप्नील कळसकर, डॉ.कांचन नारखेडे, शेखर वैद्य, राहुल बऱ्हाटे, श्वेता पाटील, चेतन निकम यांच्यासह दिव्यांग बांधव व ग्रामस्थ मोठ्या संख्येने उपस्थित होते
