जळगाव मिरर | २२ एप्रिल २०२६
जळगाव येथील खान्देश युनियन एज्युकेशन सोसायटी संचलित कै. गि. न. चांदसरकर पूर्व प्राथमिक व प्राथमिक विद्यामंदिर, साने गुरुजी कॉलनी येथे इयत्ता चौथीच्या विद्यार्थ्यांसाठी “प्रेमाचा निरोप समारंभ” अत्यंत उत्साहपूर्ण व भावनिक वातावरणात पार पडला.
दि. २२ एप्रिल २०२६ रोजी आयोजित या कार्यक्रमाची सुरुवात सरस्वती मातेच्या प्रतिमेचे पूजन करून करण्यात आली. शाळेतील चौथीच्या विद्यार्थ्यांना पुढील शैक्षणिक प्रवासासाठी शुभेच्छा देण्यासाठी या समारंभाचे आयोजन करण्यात आले होते.
कार्यक्रमाच्या अध्यक्षस्थानी शाळेचे मुख्याध्यापक श्री. श्याम ठाकरे सर होते. प्रमुख पाहुणे म्हणून श्री. जे. एस. चौधरी, उपमुख्याध्यापक श्री. के. आर. पाटील, पर्यवेक्षक तसेच श्री. आर. डी. पाटील, श्री. के. व्ही. पाटील यांची उपस्थिती लाभली. याशिवाय कै. सुनिता जगन्नाथ वाणी भगीरथ इंग्लिश स्कूल, जळगाव येथील शिक्षकांनीही विद्यार्थ्यांना मार्गदर्शन करून पुढील वाटचालीसाठी प्रेरणा दिली.
या प्रसंगी विद्यार्थ्यांना भावनिक वातावरणात निरोप देण्यात आला. शाळेतील शिक्षक व विद्यार्थ्यांमध्ये आठवणींचा सुंदर संगम पाहायला मिळाला. कार्यक्रमाच्या शेवटी विद्यार्थ्यांना गोड खाऊचे वाटप करून त्यांना आनंददायी निरोप देण्यात आला. कार्यक्रमाचे सूत्रसंचालन व आभार प्रदर्शन श्री. महेश तायडे सर यांनी केले.
या कार्यक्रमाच्या यशस्वी आयोजनासाठी शाळेतील सर्व शिक्षकवृंद—मुख्याध्यापक श्री. श्याम ठाकरे, श्रीमती जयश्री पाटील, श्री. स्वप्निल भोकरे, श्री. महेश तायडे, सौ. पूनम पाटील, सौ. शारदा चौधरी, सौ. दीपिका सोनवणे, सौ. रोहिणी निकम, सौ. मनीषा वाघ, सौ. उज्वला भामरे, सौ. सुनिता पाटील, सौ. प्रिया कोपरकर तसेच श्री. भूषण अमृतकर यांनी विशेष परिश्रम घेतले. कार्यक्रमामुळे शाळेत आनंद, आठवणी आणि भावनांचा सुंदर संगम पाहायला मिळाला.
