जळगाव मिरर । १४ जानेवारी २०२३ ।
मेहरूण परिसरातील श्री संत ज्ञानेश्वर पूर्व प्राथमिक, प्राथमिक व माध्यमिक विद्यालयामध्ये पतंग महोत्सवाचे शनिवारी दि. १४ जानेवारी रोजी आयोजन करण्यात आले होते. यावेळी विद्यार्थ्यांनी शिक्षकांसह पतंग उडविण्याचा आनंद घेतला.
विद्यालयाच्या प्रांगणामध्ये प्रवेशद्वाराजवळ आकर्षक रांगोळ्या काढून परिसर सुशोभित करण्यात आला होता. सुरुवातीला मुख्याध्यापिका शितल कोळी यांनी विद्यार्थ्यांना मकर संक्रांति आणि पतंगाविषयी माहिती दिली. यानंतर विद्यार्थ्यांनी शिक्षकांसह पतंग उडवण्याचा आनंद घेतला. पतंगाला दोरा बांधणे, त्याला मांजा लावणे, पतंग हळूहळू हवेत सोडणे आणि उडविणे असा आनंद मुलांनी घेतला. यावेळी चित्रपटातील गीतांवर देखील विद्यार्थ्यांनी ताल धरला. विविध कार्टूनचे चित्रांचे पतंग विद्यार्थी उडवत होते. प्रसंगी पर्यावरण पूरक मांजा वापरण्यात आला.
उपक्रमाचे आयोजन प्रकल्प प्रमुख तथा संस्थेचे सचिव मुकेश नाईक यांनी केले. उपक्रमासाठी विद्यालयातील शिक्षक शिक्षकेतर कर्मचारी आदींनी परिश्रम घेतले.
