जळगाव मिरर | १७ ऑक्टोबर २०२३
देशभरात अनेक धक्कादायक घटना घडत असताना आणखी एक अशीच बातमी तामिळनाडूमधून समोर आली आहे. तामिळनाडूच्या विरुधुनगर जिल्ह्यातील कममापट्टी गावात फटाक्यांच्या फॅक्टरीत भीषण स्फोट झाला. या दुर्घटनेत ९ जणांचा दुर्दैवी मृत्यू झाला असून अनेकजण जखमी झाले आहेत. या दुर्देवी घटनेने परिसरात हळहळ व्यक्त केली जात आहे.
मिळालेल्या माहितीनुसार, तामिळनाडूतील विरुधुनगर येथील फटाक्यांच्या कारखान्यात मोठा स्फोट झाल्याची घटना घडली आहे. हि घटना १७, ऑक्टोंबर मंगळवारी सकाळी ही घडली असून यामध्ये ९ जणांचा मृत्यू झाल्याचे झाला. स्फोटानंतर जागीच चार जणांचा मृत्यू झाला होता. इतर जखमींना दवाखान्यात नेले असता उपचारादरम्यान, आणखी पाच जण दगावले.
घटनेनंतर पोलीस प्रशासन आणि अग्निशमन दलाच्या गाड्या दाखल झाल्या असून आग आटोक्यात आणली आहे.या घटनेनंतर कारखान्याचे मालक राजेंद्र (65) आणि त्यांचा जावई अरुण कुमार (39) यांना पोलिसांनी अटक केली आहे. घटनेवेळी कारखान्यात दिवाळीच्या पार्श्वभूमीवर राजेंद्रनने फटाक्यांची मागणी पूर्ण करण्यासाठी ओव्हरटाईम करणाऱ्या आणखी ३० कामगारांना कामावर ठेवले होते, असे पोलिस अधिकाऱ्यांनी सांगितले आहे.
#WATCH | Tamil Nadu: An explosion took place at a firecracker manufacturing factory near Kammapatti village of Virudhunagar district: Fire and Rescue department pic.twitter.com/t4nyL2542w
— ANI (@ANI) October 17, 2023