जळगाव मिरर | २७ नोव्हेबर २०२४
जळगाव शहराकडून एरंडोलकडे जाणाऱ्या सिमेंटरच्या टॅकवरील चालकाने नियंत्रण सुटले. त्यानंतर टँकर थेट महामार्गालगत असलेल्या आसारीच्या दुकानाला जावून धडकला. या अपघातात चालक फुलचंद (पुर्ण नाव माहीत नाही) (वय २६, रा. चिलुला, ता. हैदरगड, जि. बाराबंकी) याच्यासह पादचारी ठार झाला. ही घटना मंगळवारी पहाटेच्या सुमारास अमळनेर नाक्याजवळील राष्ट्रीय महामार्गावर घडली.
मिळालेल्या माहितीनुसार, जळगावकडून (एमएच १५, जेसी १९९५) क्रमांकाचा सिमेंटचा टैंकर मंगळवारी पहाटेच्या सुमारास राष्ट्रीय महामार्गावरुन भरधाव वेगाने जात होता. स्पीडब्रेकवर टँकरवरील चालकाने नियंत्रण सुटल्याने तो थेट महामार्गालगत असलेल्या आसारीच्या दुकानात शिरला. या अपघातात टँकरच्या कॅबिनचा चुराडा होवून चालक हा जागीच ठार झाला. तर रस्त्याच्याकडेने पायी जात जात असलेल्या शकील बागवान हा देखील टँकरच्या मागील चाकात येवून त्याचे दोघ पाय निकामी झाल होते. त्याच्यावर खासगी रुग्णालयता उपचार सुरु असतांना त्याचा देखील मृत्यू झाला. घटना उघडकीस येताच परिसरातील नागरिकांनी घटनास्थळी मोठ्या प्रमाणात गर्दी केली होती. त्यांनी महामार्ग प्राधिकरणाच्या उदासीनतेबाबत तीव्र संताप व्यक्त केला.
अपघातात ठा झालेला शकील बागवान हा त्याच्या आईसोबत रात्री उशिरा एरंडोल येथे परतले होते. दोघ मायलेक हे पहाटेच्या सुमारास महामार्गाच्या कडेने पायी जात असतांना त्यांच्यावर दुर्देवी काळाने झडप घातली. या अपघातात मुलाचा दुर्देवी मृत्यू झाला तर त्याची आई बालंबाल बचावली. अपघातावेळी अमळनेर नाका परिसरात महामार्गावरील पथदिवे बंद होते. त्यामुळे याठिकाणी अनेकदा अपघात होवून अनेक निष्पांचे बळी गेले आहे. या शिवाय गतिरोधकाबाबत फलक लावलेला नाही अशा तक्रारी पुढे येत आहेत.
