जळगाव मिरर | २ एप्रिल २०२५
तालुक्यातील धुळे महामार्गावर असलेल्या भोरस फाट्याजवळ अज्ञात वाहनाने दुचाकीला धडक दिली. या अपघातात लांबे वडगाव येथील माजी सरपंच तथा विद्यमान सदस्य प्रकाश निळकंठ पाटील (वय ४५) हे गंभीर जखमी झाल्याने त्यांचा जागीच मृत्यू झाला. ही घटना मंगळवार दि. १ वाजेच्या सुमारास घडली.
सविस्तर वृत्त असे कि, चाळीसगाव तालुक्यातील लांबे वडगाव येथील प्रकाश पाटील हे मंगळवारी दुपारच्या सुमारास दुचाकीने चाळीसगावकडून गावाकडे जात होते. यावेळी भोरस फाट्याजवळील लॉन्स समोर भरधाव वेगाने जाणाऱ्या अज्ञात वाहनाने धडक दिली. या अपघातात प्रकाश पाटील हे गंभीर जखमी झाल्याने त्यांचा जागीच मृत्यू झाला. अपघाताची माहिती मिळताच परिसरातील नागरिकांनी तात्काळ घटनास्थळी धाव घेत प्रकाश पाल यांना ग्रामीण रुग्णालयात दाखल केले. याठिकाणी वैद्यकीय अधिकाऱ्यांनी त्यांची तपासणी करीत मयत घोषीत केले. याप्रकरणी चाळीसगाव ग्रामीण पोलीस ठाण्यात अकस्मात मृत्यूची नोंद करण्यात आली आहे. तपास पोहेकॉ ओंकार सुतार करीत आहेत.
