जळगाव मिरर | १४ एप्रिल २०२६
भारतरत्न डॉ.बाबासाहेब आंबेडकर यांच्या १३५ व्या जयंती निमित्ताने आज जळगाव शहरात रेल्वे स्टेशन , जळगाव परिसरातील बाबासाहेबांच्या पुतळ्याला बहुजन व्हॉलंटियर फोर्स मार्फत बामसेफ,भारत मुक्ती मोर्चा व सहयोगी संघटनांच्या शेकडो कार्यकर्त्यांनी पथसंचलनाद्वारे मानवंदना दिली.
पथसंचलनाची सुरुवात बिग बाजार,खांदेश मॉल जळगाव येथुन खान्देश प्रभारी बी.व्ही.एफ. सुनिल सोनवणे यांच्या नेतृत्वाखाली सकाळी ९ वाजता सुरु झाली.ही रॅली गोविंदा रिक्षा स्टॉप ,नेहरु पुतळ्या मार्गे डॉ बाबासाहेब आंबेडकर यांच्या पुतळ्यापर्यंत काढण्यात आली. डॉ.बाबासाहेब आंबेडकर यांच्या पुतळ्यास मानवंदना देण्यात आली.
बाबासाहेब आंबेडकर यांच्या पुतळ्यास राष्ट्रीय सेन संघाचे राष्ट्रीय सचिव राजकुमार गवळी, सुवर्णकार समाजाचे जिल्हाध्यक्ष संजय विसपुते,टोकरे कोळी समाजाचे अशोक शिरसाटे, मुस्लिम बिरादरीचे शैफुल्लाभाई खान, राष्ट्रीय गुरु रविदास क्रांती मोर्चाचे देवराज वाडे, राष्ट्रीय पेन्शनर संघाचे दिलीप इंगळे, रविंद्र मोरे, देविदास पारधे व राष्ट्रीय मुलनिवासी महिला संघाच्या सखुबाई जाधव,शोभाताई भालेराव ,प्रा.मिनाक्षी वाघमारे,बुध्दिष्ट इंटरनॅशनल नेटवर्क चे जिल्हाध्यक्ष प्रा.डॉ.प्रकाश कांबळे यांच्या हस्ते माल्यार्पण करण्यात आले. या रॅलीचे संचलन प्रामुख्याने बीव्हीएफचे राज्य प्रभारी प्रकाश इंगळे,राज्य सहसंयोजक बहुजन क्रांती मोर्चा सुमित्र अहिरे जवान शुध्दोधन खंडारे,जवान गोविंदा इंगळे,जवान संजीव सोनवणे,जवान माया खंदारे,जवान उज्ज्वला इंगळे,जवान देवानंद निकम,जवान सुनिल देहाडे,जवान खुशाल सोनवणे,जवान राहुल सोनवणे,जवान बबलु पेंढारकर यांनी केले. या पथसंचलनात जळगाव शहरातील बामसेफ,भारत मुक्ती मोर्चाचे शेकडो स्त्री पुरुष कार्यकर्ते सहभागी होते.
