अमळनेर : विक्की उत्तम जाधव
अमळनेर शहरातील नगर परिषदेच्या महिला सफाई कामगाराचा विनयभंग केल्याप्रकरणी आरोग्य निरीक्षक व मुकादमासह तिघांवर अमळनेर पोलिस ठाण्यात गुन्हा दाखल करण्यात आला आहे.
मिळालेल्या माहितीनुसार, गेल्या सहा महिन्यांपासून आरोग्य निरीक्षक युवराज श्रीपत चव्हाण, आरोग्य निरीक्षक संतोष बिऱ्हाडे आणि मुकादम ज्ञानेश्वर मंगल संदानशीव हे कामावर त्रास देत होते. २७ जून रोजी सकाळी ९ वाजता विनयभंग करून लोटून दिल्याने खाली पडले. त्यानंतर तिघांनी त्रास देणे सुरूच ठेवले. तिघांनी १३ जुलै रोजी शिस्तभंगाची नोटीस दिली. याबाबत मुख्याधिकाऱ्यांकडे तक्रार केली. उशिराने गावाहून आल्याने अमळनेर पोलिस ठाण्यात फिर्याद दिल्यावरून तिघांविरुद्ध गुन्हा दाखल करण्यात आला आहे. अधिक तपास पोलिस उपनिरीक्षक योगेश ढिकले करत आहेत.
