जळगाव मिरर | संदीप महाले
शहरातील रिंगरोड परिसरातील हॉटेल रोनकमध्ये दि.१४ रोजी मध्यरात्री १२.३० ते १ वाजेच्या सुमारास भाडेतत्त्वावर घेतलेल्या हॉटेल चालक आशिष मधुकर फिरके (वय ४८) यांनी हॉटेलच्या मुख्यप्रवेशद्वाराजवळ गळफास घेवून आपले आयुष्य संपविल्याची घटना घडली होती. याप्रकरणी जिल्हापेठ पोलिस ठाण्यात अकस्मात मृत्यूची नोंद करण्यात आली असून पुढील तपास पोलीस करीत आहे.
हॉटेल रोनकचे हॉटेल चालक आशिष फिरके यांनी आत्महत्या करण्यापूर्वी सुसाइट नोट लिहून ती स्टेट्सला ठेवून त्यांनी टोकाचा निर्णय घेतला होता. त्यांनी लिहिलेल्या सुसाइड नोटनुसार, रिंगरोडवरील रोनक हॉटेलमध्ये गेल्या तीन वर्षांपासून व्यवसाय करत असून या हॉटेलसाठी तीन वर्षांचे करारनामे केले होते. आता जागा मालकाने अचानक जागा खाली करण्याचा तगादा लावला आणि सतत त्रास दिला. जागा मालकाचा मुलगा वेळोवेळी धमक्या देत होता, असे आशिष फिरके यांनी चिठ्ठीत लिहले आहे. या त्रासाला कंटाळून त्यांनी आत्महत्या केल्याचे त्यांनी लिहिले. ही चिठ्ठी त्यांनी सोशल मीडियावर स्टेटस म्हणून ठेवली होती. या घटनेने परिसरात खळबळ उडाली होती. जिल्हापेठ पोलिसात अकस्मात मृत्यूची नोंद करण्यात आली असून प्रकरणाचा तपास सुरू केला आहे. दि.१६ रोजी दुपारी पोलिसांच्या फॉरेन्सिक पथकाने घटनास्थळी तपासणी केली.
सुसाईट नोट फॉरेन्सिककडे !
मयत आशिष फिरके यांनी गळफास घेण्यापूर्वी सुसाईट नोट लिहून ती स्टेट्सला ठेवली होती. त्यानंतर काही मित्रपरिवाराने व नातेवाईकानी स्टेट्स बघून घटनास्थळी धाव घेतली होती. त्यानंतर जळगाव जिल्हा पेठ पोलिसांनी हॉटेलची पाहणी करीत सुसाईट नोट ताब्यात घेवून फॉरेन्सिककडे पाठविण्यात आलेली आहे. या सुसाईट नोट मधील मजकूर चौकशी करून नंतरच या प्रकरणाचा उलगडा होणार असल्याची माहिती सूत्रांच्या माध्यमातून मिळत आहे.
