जळगाव मिरर / २७ फेब्रुवारी २०२३ ।
शहरातील एका परिसरातील २४ वर्षीय तरुणाच्या पत्नीचे फोटो एकाने सोशल मिडीयावर वापर करीत पत्नीच्या भावाला मेसेज केल्याने सायबर पोलिसात गुन्हा दाखल करण्यात आला आहे.
सविस्तर वृत्त असे कि, शहरातील एका परिसरात २४ वर्षीय तरूण आपल्या परीवारासह वास्तव्यास आहे. दि २२ ते २६ फेब्रुवारी दरम्यान अनोळखी इन्स्टाग्राम धारकाने आपली ओळख लपवित २४ वर्षीय तरुणाच्या पत्नीच्या फोटोचा वापर करीत त्या खात्याद्वारे पत्नीच्या भावाला शिवीगाळ करीत धमकी दिल्या प्रकरणी तरुणाने सायबर पोलिसात धाव घेत अनोळखी इन्स्टाग्राम खातेधारकाविरोधात गुन्हा दाखल केला आहे. या प्रकरणी पुढील तपास पोनि.लीलाधर कानडे हे करीत आहेत.