देशात गेल्या एक महिन्यापासून कर्नाटकच्या विधानसभा निवडणुकीच्या प्रचाराची तोफ दणदणत होती. या प्रचारात भाजप व कॉंग्रेस एकमेकाविरोधात जोरदार प्रचार केला आहे. त्यासाठी मतदान देखील झाले असून आज मतमोजणीची प्रक्रिया सुरु असतांना पहिल्याच याच्या कॉंग्रेसचा आघाडीवर तर भाजप मोठ्या संख्येने पिछाडीवर असल्याचे चित्र दिसू लागले आहे. या निवडणुकीचा पूर्णपणे निकाल दुपारपर्यंत जाहीर होणार आहे. त्यानंतर कोण या राज्यात सत्ता स्थापन करणार यावर भाष्य करता येणार आहे.
याच पार्श्वभूमीवर पहिल्या 183 जागांचे कल हाती आला असून यामध्ये काँग्रेस 102 जागांनी आघाडी असल्याचे पहायला मिळत आहे. तर भाजप 81 आणि जेडीएस 15 जागांवर असल्याचं पाहायला मिळत आहे. तसचं कर्नाटकात विधानसभेच्या एकूण 224 जागा आहेत. यामध्ये भाजप आणि काँग्रेस यांच्यात चुरस पाहायला मिळत आहे.
दरम्यान, सध्या सुरवातीच्या कलांमध्ये राज्याचे मुख्यमंत्री बसवराज बोम्मई, काँग्रेस नेते सिद्धरामय्या, डीके शिवकुमार आणि जेडी (एस) चे एचडी कुमारस्वामी यांनी आघाडी घेतलीये. याशिवाय, सतीश जारकीहोळी, अंजली निंबाळकर, लक्ष्मी हेब्बाळकर, रमेश जारकीहोळी, शशिकला जोल्ले, निखिल कत्ती आघाडीवर असल्याचं दिसत आहेत. यामुळे कर्नाटक निवडणुकीत भाजप सत्तेत कायम राहणार का सत्ता परिवर्तन होऊन काँग्रेस सत्तेत येणार याकडे सर्वांचं लक्ष लागलं आहे. अजूनही आकडे बदलताना पाहायला मिळतं आहेत यामुळे निकालाबाबत धाकधूक अजूनच वाढलेली आहे.
